އައްޑޫ ގަން އިންޓަނޭޝަނަލް އެއާޕޯޓުން 5.5 ކިލޯ މަސްތުވާތަކެއްޗާއި އެކު އިންޑިއާ ބަޔަކު ހައްޔަރުކޮށްފި އެވެ.

ކަސްޓަމްސްއިން ބުނީ މިތަކެތި އަތުލައި ގަތީ މިމަހު 18 ވަނަ ދުވަހު ކަމަށެވެ. މި މައްސަލައިގަ އިންޑިއާ ދެ މީހަކު ހައްޔަރު ކުރި އެވެ.

Advertisement

ކަސްޓަމުން ބުނީ އެމީހުންގެ ލަގެޖުތައް ބަލާ ފާސް ކުރުމުގެ ތެރޭގައި މަސްތުވާތަކެތި ފެނިފައިވަނީ ފޮށިންނެވެ. އެތަކެތި ޕޮސިޓިވް ވެފައިވަނީ މަސްތުވާތަކެތީގެ ބާވަތެއް ކަމަށްވާ ކެނަބިސް އަށެވެ.

މިތަކެތީގެ މަގުމަތީ އަގު 4.4 މިލިއަން ރުފިޔާއަށް އަރާނެ ކަމަށް ލަފާ ކުރެ އެވެ.

އެމީހުން ރާއްޖެ އައީ އިންޑިއާއިންނެވެ.

މިފަހަކަށް އައިސް ރާއްޖެއަށް މަސްތުވާތަކެތި އެތެރެ ކުރުމުގެ މައްސަލަތަކުގައި ގިނައިން ހައްޔަރު ކުރަނީ އިންޑިއާ މީހުންނެވެ. ގިނަ ފަހަރު ކޯޓަށް ހާޒިރު ކުރުމުން އެމީހުން ބުނަނީ އެއީ އެހެން މީހަކު ހަވާލު ކުރި އެއްޗެއް ކަމަށާއި މަސްތުވާތަކެތިކަން ނޭނގޭ ކަމަށެވެ.