ވޯލްޑްޕަކް ގައި މިރޭ އިނގިރެސިވިލާތާއި ފްރާންސް ބައްދަލު ކުރާ ތިންވަނަ ހޮވާ މެޗު ކުޅެން ބޭނުން ނުވާކަމަށް ދެ ޓީމުން ބުނެފި އެވެ.

އިނގިރެސިވިލާތުގެ ކޯޗު ތޯމަސް ޓުޚެލް ބުނީ އެ ޓީމުގެ އެއްވެސް ކުޅުންތެރިއެއް އަދި ފްރާންސްގެ އެއްވެސް ކުޅުންތެރިއެއް ތިން ވަނަ ހޮވާ މެޗު ކުޅެން ބޭނުން ނުވާ ކަމަށެވެ. އެމީހުން ބުނީ އެ ދެ ޓީމު ވާދަ ކުރީ ފައިނަލަށް ދިއުމަށް ކަމަށާއި އެކަން ކާމިޔާބު ނުވުމުން މުބާރާތް ދެ ޓީމަށް ނިމުނީ ކަމަށެވެ.

Advertisement

ފްރާންސްގެ ކޯޗު ޑިޑިއޭ ޑެޝޯމް ނޫސްވެރިންނާއި ބައްދަލުކޮށް ބުނީ އިތުރު މެޗެއް ކުޅެން ޖެހެނީ ބޭނުން ނުވެ ތިބެ ކަމަށެވެ. އަދި ތިން ވަނަ ހޮވާ މެޗަކީ އެކުވެރިކަމުގެ މެޗެއް ނޫން ކަމަށާއި އެއީ ޕްލޭ އޮފް މެޗެއް ކަމަށް އޭނާ ބުންޏެވެ.

ދެ ކޯޗުންވެސް ގަބޫލު ކުރާ ގޮތުގައި ވޯލްޑްކަޕްގެ ތިން ވަނަ ހޮވާ މެޗަކީ ސަޕޯޓަރުންނާއި ކުޅުންތެރިން އެންމެ ފޫހިވާ މެޗެވެ.

މިފަހަރުގެ ވޯލްޑްކަޕްގައި ސެމީ ފައިނަލުގައި ފްރާންސް ބަލިވީ ސްޕެއިން އަތުންނެވެ. އިނގިރެސިވިލާތް އާޖެންޓީނާ ކައިރީ ލީޑު ނެގުމަށްފަހު މެޗުން ބަލިވީއެވެ. ދެ ޓީމުންވެސް ނުރުހުން ފާޅުކޮށްފައިވީ ނަމަވެސް ފީފާގެ ޤަވާޢިދު ލާޒިމުކުރާ ގޮތުން 48 ޓީމުގެ މި މުބާރާތުގައި މިރޭގެ މެޗު ކުޅެންޖެހެއެވެ.

ތިން ވަނަ ހޮވާ މެޗު އޮންނާނީ މިރޭ ރާއްޖެ ގަޑިން މެންދަމު 2:00 ގައެވެ.

ވޯލްޑްކަޕް ތާރީހަށް ބަލާއިރު 1930 ވަނަ އަހަރު ޕެރަގުއޭގައި ބޭއްވި ފުރަތަމަ ވޯލްޑްކަޕްގައި ތިން ވަނަ ހޮވާ މެޗު ކުޅެފައެއް ނުވެ އެވެ. ތިން ވަނަ ހޮވާ މެޗު ކުޅެން ފެށީ 1934 ވަނަ އަހަރު އިޓަލީގައި ބޭއްވި ވޯލްޑްކަޕުން ފެށިގެންނެވެ.