މަތީ ސާނަވީ އިމްތިހާންގައި އެއް ވަނަ ހޯދައިގެން ރައީސުލްޖުމްހޫރިއްޔާ ދެއްވާ ސްކޮލާޝިޕް ހަތް ދަރިވަރަކު ހާސިލް ކޮށްފި އެވެ.

މި ދަރިވަރުންނަށް ސްކޮލާޝިޕާއި އިނާމު ހަވާލު ކުރުން އޮތީ މަތީ އަރުތަވެރިންގެ އިނާމު ދިނުމުގެ ޖަލްސާގައި އެވެ. ސްކޮލާޝިޕް ކުދިންނާއި ހަވާލު ކޮށްދެއްވީ ރައީސް ޑރ. މުހައްމަދު މުއިއްޒު އެވެ.

ރައީސްގެ ސްކޮލާޝިޕް ލިބުނީ،

ސީއެޗްއެސްއީ ހުޅުމާލެ:

އައިޝަތު ނަބީހާ އަމީން، ލީން އަޙްމަދު ތާރިޤު އަދި ޔަޝާ ޝާފީ ޝަފީޤުގެ އިތުރުން އަލީ މާއިޝް މުފީދު

ވިލާ ހައި އިންޓަރނޭޝަނަލް ސްކޫލް:

ހުސައިން ޔަމީން

ޏ. އެޓޯލް އެޑިއުކޭޝަން ސެންޓަރު:

އައިޝަތު ލީން އަބްދުﷲ

އަލްމަދަރަސަތުލް އަރަބިއްޔަތުލް އިސްލާމިއްޔާ:

ލައިލް ހުސައިން ހަމީދު

މި ދަރިވަރުންނަކީ މިޔަ އަހަރުގެ އޭލެވެލް އިމްތިހާނުން ފަސް މާއްދާއިން އޭ ސްޓާ ހޯދައިގެން ރާއްޖެއިން އެއްވަނަ ހޯދި ކުދިންނެވެ.

ރަސްމިއްޔާތުގައި ރައީސް ވަނީ ސާނަވީ އިމްތިހާނުން ރާޢްޖެއިން އެއް ވަނައަށް ދިޔަ 23 ދަރިވަރަކަށްވެސް އެވޯޑު ހަވާލުކޮށްދެއްވާފައި އެވެ.