ވިއެޓްނާމުގައި ލޯންޗެއް ބަންޑުންޖަހާލައި 15 އިންޑިއާ ފަތުރުވެރިއަކު މަރުވުމާ ގުޅިގެން އެ ބޯޓު ދުއްވި ކެޕްޓަން އެ ގައުމުގެ ފުލުހުން ހައްޔަރު ކޮށްފި އެވެ.

މި ހާދިސާ ހިނގީ ވިއެޓްނާމްގެ ދެކުނުގެ ރަށެއް ކަމަށްވާ ފޫކުއޮކް ޖަޒީރާ ކައިރީގައިވާ ހޮން މޭ ރުޓް ންގޮއައި ނަމަކަށް ކިޔާ ރަށެއް ކައިރީގައި އެވެ. ހާދިސާ ހިނގީ އެ ރަށާއި 10 ކިލޯމީޓަރު ދުރުގައި އެވެ. ލޯންޗު ބަންޑުން ޖަހާލި އިރު އޭގައި އިންޑިއާގެ 32 އިންޑިއާ މީހުންނާއި ވިއެޓްނާމްގެ ހަތަރު ފަޅުވެރިއަކު ތިއްބެވެ.

Advertisement

ރިޕޯޓުތައް ބުނާގޮތުގައި އެ ލޯންޗުގެ ކެޕްޓަން އުމުރުން 57 އަހަރުގެ ނުގުއެން ހިންގ ހައި ފެންމަގު ހައްޔަރު ކުރީ އިއްޔެ އެވެ. އޭނާއަށް ފުލުހުން ތުހުމަތު ކުރަނީ ދަތުރުފަތުރުގެ ސަލާމަތީ ގަވާއިދުތަކާ ޚިލާފުވި ކަމަށެވެ.

މި ލޯންޗު ބަންޑުން ޖަހާލަށް ޖެހުނު ސަބަބު އަދި ނޭނގެ އެވެ.

ވިއެޓްނާމްގައި ހުންނަ އިންޑިއާ އެމްބަސީން މީޑިއާގައި ބުނީ މި ހާދިސާގައި ސަލާމަތްވި މީހުންގެ ތެރެއިން 16 މީހަކު ފަރުވާއަށް ފަހު ހޮސްޕިޓަލުން ދޫކޮށްލާފައިވާ ކަމަށާއި އެމީހުން އެނބުރި ގައުމަށް ދިއުމަށް ތައްޔާރުވަމުން ދާ ކަމަށެވެ. އަދި ހޮސްޕިޓަލުގައި ސީރިއަސް ހާލަތުގައި އެކަކު އެބައޮތް ކަމަށެވެ.

މަރުވި މީހުންގެ ހަށިތައް ރަސްމީ އިޖުރާއަތްތައް ފުރިހަމަކުރުމަށްފަހު އިންޑިއާއަށް ފޮނުވާލުމަށް ވަނީ ނިންމާފައި އެވެ.