ބޭނުންވެއްޖެ ހާލަތެއްގައި އީރާނާ ދެކޮޅަށް ކުރިއަށް ވުރެ ވެސް ވަރުގަދައަށް އަސްކަރީ ހަމަލާތައް ދޭން އަލުން ފެށުމަށް ތައްޔާރަށް އޮތް ކަމަށް އިސްތިއުމާރީ އިސްރާއީލުގެ ދިފާޢީ ވަޒީރު އިސްރާއީލް ކެޓްޒް ބުނެފައިވެއެވެ.

ކެޓްޒް މިހެން ބުނީ އަސްކަރީ ރަސްމިއްޔާތެއްގައި ވާހަކަ ދައްކަމުންނެވެ. އޭނާ ބުނީ ވައިގެ ސިޔާދަތު އަލުން ހޯދައި އީރާނަށް އަނެއްކާ ވެސް ހަމަލާ ދީ ނުރައްކާތައް ނައްތައިލުމަށް ސިފައިން ތިބީ ތައްޔާރީ ހާލަތުގައި ކަމަށެވެ.

Advertisement

އަދި ތިންވަނަ ފަހަރަށް ވެސް ހަމަލާދޭން ޖެހިއްޖެ ނަމަ ކުރިއަށް ވުރެ މާ ވަރުގަދަ ހަމަލާތައް ދޭނެ ކަމަށް ބުންޏެވެ.

ހަމަ އެ ރަސްމިއްޔާތުގައި ވާހަކަ ދައްކަމުން އިސްރާއީލްގެ ބޮޑުވަޒީރު ބެންޖަމިން ނަތަންޔާހޫ ބުނީ ކުރިން ދިން ދެ ހަމަލާގެ ސަބަބުން އީރާން ބަލިކަށިވެފައިވާ ކަމަށެވެ. ނަމަވެސް ހަނގުރާމަ އަދި ނުނިމޭ ކަމަށް އޭނާ ވެސް ގަބޫލުކުރެއެވެ.

ނަތަންޔާހޫ ސިފަކުރި ގޮތޮތުގައި ކުރިއެކޭ އެއްގޮތަށް އިރާނަކީ މިހާރުވެސް ބަލިކަށި ގައުމެކެވެ. އަދި އިސްރާއީލަކީ އޭރުވެސް މިހާރުވެސް ވަރުގަދަ ގައުމެކެވެ.

މި ބަސްތައް އައީ އެމެރިކާ އާއި އީރާނާ ދެމެދު އަލުން ކުރިމަތިލުންތައް ފެށި އެޕްރީލް މަހުގެ ހަނގުރާމަ ހުއްޓައިލުމުގެ އެއްބަސްވުމާއި ޖޫން މަހުގެ ހަމަނުޖެހުން ނިމުމަކަށް ގެނައުމުގެ އެއްބަސްވުމަށް ފަހު އަނެއްކާ ވެސް ފުޅާ ހަނގުރާމައެއް ފެށިދާނެ ކަމުގެ ކަންބޮޑުވުން އުފެދިފައިވާ ދަނޑިވަޅެއްގައެވެ.

މި ހަނގުރާމަ ފެށުނީ ފެބްރުއަރީ 28 ވަނަ ދުވަހު އެމެރިކާ އާއި އިސްރާއީލު ގުޅިގެން އީރާނަށް ވައިގެ ހަމަލާތަކެއް ދީ އީރާނުގެ ރޫޙީ ލީޑަރު އަވަހާރަކޮށްލި ހާދިސާއާ ހަމައިންނެވެ.