މުނިޔާ މަގުގަިއ ހުރި އިމާރާތެއްގައި އަލިފާނުގެ ހާދިސާއެއް ހިނގައިފި އެވެ.

އެމްއެންޑީއެފުން ބުނި ހާދިސާގެ ރިޕޯޓު ކުރުމާއި އެކު ފަޔާ އެންޑް ރެސްކިއު ޓީމުން އެ ސަރަހައްދުގަިއ ހަރަކާތްތެރިވާން ފަށާފައިވާ ކަމަށެވެ. މިހާރު އަލިފާން ކޮންޓްރޯލް ކޮށްފައިވާ ކަމަށް އެމްއެންޑީއެފުން ބުނެ އެވެ.

Advertisement

އެ ސަރަހައްދުގައި ފުލުހުންވެސް ދަނީ ހަރަކާތްތެރިވަމުންނެވެ.

ސޯޝަލް މީޑިއާގައި އާންމުވެފައިވާ ވީޑިއޯތަކުން ފެންނަ ގޮތުގައި އަލިފާން ރޯވެފައިވަނީ ދެ ފަންގިފިލާއަށް ހަދާފައި ހުރި އިމާރާތެއްގައި އެވެ. އަދި ރޯވެފައި ހުރީ މަތީ ފަންގިފިލާގައިކަން އެނގެ އެވެ.

އެތެރޭގައި ރޯވެފައިވާ އަލިފާން ގަނޑު ބޭރަށް ފެންނަން ނެތަސް ބޯ ދުންތައް އެގޭގެ ހުރިހާ ދޮރުތަކަކުން ނުކުންނަމުން ދިޔަތަން ފެނެ އެވެ.

މައުލޫމާތު ލިބިފައިވާ ގޮތުގައި އަލިފާން ރޯވި އިމާރާތުގައި ދިރިއުޅެނީ ބިދޭސީންނެވެ. އަދި އަލިފާން ރޯވުމާ އެކު އެ މީހުން ވަނީ ފޮށިތަކާ އެކު ބޭރަށް ނިކުމެފައި ކަމަށްވެ އެވެ. 

އެ ހާދިސާ ހިނގަން މެދުވެރިވި ގޮތެއް އަދި ނޭނގެ އެވެ.