ލޮއި ނަރުތަކެއް ވަގަށް ނެގި މީހަކު އަނެއްކާވެސް ހައްޔަރުކޮށްފި އެވެ.

ފުލުހުން ބުނީ މި ފަހަރު ހައްޔަރު ކުރީ ގދ. ތިނަދޫ، ލުކިންގްލާސް، ނަސްރުﷲ ޝަކީލް ހުސައިން، 38، ކަމަށެވެ. އެ މައްސަލަ ފުލުހުންނަށް ހުށަހެޅީ މިދިޔަ އާދިއްތަ ދުވަހު އެވެ.

Advertisement

އޭނާ ކޯޓު އަމުރެއްގެ ދަށުން ހައްޔަރު ކުރީ އިއްޔެ އެވެ. އެމީހާގެ ބަންދަށް ކޯޓުން ވަނީ 15 ދުވަސް ޖަހާފައި އެވެ.

ފުލުހުން ބުނީ އޭނާ ހައްޔަރު ކުރީ ވިނަރެސް ނުވަ ވަނަ ޓަވަރުގެ ދެވަނަ ފްލޯގައި ހުރި ކަރަންޓު ފޮށިތަކަށް ގެއްލުންދިން ކަމުގެ ތުހުމަތުގައި ކަމަށެވެ.  

އެ މައްސަލަ ހުށަހެޅުމާ އެކު، ފުލުހުން އެ ތަނަށް ގޮސް ބެލިއިރު، ކަރަންޓު ފޮށިތަކަށް ގެއްލުންދީ، ލޮއި ނަރުތައް ބުރިކޮށް އަދި ކޮޕާ ފޮތިތައް ވަގަށް ނަގާފައިވާ ކަމަށް ފުލުހުން ބުންޏެވެ.

ފުލުހުން ދަނީ އެ މައްސަލަ ތަހުގީގު ކުރަމުންނެވެ.

ލޮއި ނަރުތަކެއް ވަގަން ނަގައިގެން އިތުރުމ ީހަކު ހައްޔަރު ކުރި އިރު މިދިޔަ ހޮނިހިރު ދުވަހު މާލޭ ހާޑްވެއާ ފިހާރައެއްގެ ބިއްލޫރިގަނޑު ތަޅާލައި، އެ ފިހާރައިން ލޮއިނަރު ރޯލުތަކެއް ވަގަށް ނެގި ދެ މީހަކު ވެސް ވަނީ ހައްޔަރު ކޮށްފަ އެވެ.