އައިލެންޑް އޭވިއޭޝަން މުވައްޒަފުންނަށް ހާއްސަކޮށް ފްލެޓުއަޅަން ހައުސިން ޑޮވެލޮޕްމެންޓް ކޯޕަރޭޝަން (އެޗްޑީސީ) އާއި އެކު އެއްބަސްވުމެއްގައި ސޮއިކޮށްފި އެވެ.

މި ފްލެޓުތައް އަޅަނީ ހުޅުމާލޭގައި އެވެ. ހުޅުމާލޭގައި މި ފްލެޓުތައް އެޅުމަށް ހަމަޖެހިފައިވާ ބިން އެޗްޑީން ވަނީ އައިލެންޑް އޭވިއޭޝަނަށް ދީފައި އެވެ.

Advertisement

އެކަމުގެ އެއްބަސްވުމުގައި އެޗްޑީސީގެ ފަރާތުން ސޮއި ކުރެއްވީ އެ ކުންފުނީގެ މެނޭޖިން ޑިރެކްޓަރު އަލީ ޒުހައިރެވެ. އަދި އައިލެންޑް އޭވިއޭޝަނުގެ ފަރާތުން ސޮއި ކުރެއްވީ އެ ކުންފުނީގެ މެނޭޖިން ޑިރެކްޓަރު އިބްރާހިމް އިޔާސް އެވެ. 

މި އެއްބަސްވުމުގެ ދަށުން ހުޅުމާލޭ ފޭސް ދޭކުން 12،000 އަކަފޫޓަށްވުރެ ބޮޑު ބިމެއް ދީފައިވެ އެވެ.

ބިން ހަވާލުކުރުމާ އެކު ދެން އަމަލީ މަސައްކަތް އެކުންފުނިން ބުނެ އެވެ. އެކަމަކު ފްލެޓުތައް އެޅުމުގެ މަސައްކަތުގެ އިތުރު ތަފްސީލެއް އަދި ހާމައެއް ނުކުރެ އެވެ.

ސަރުކާރުގެ އެކި ކުންފުނިތަކުން ވަނީ މީގެ ކުރިން ވެސް ހުޅުމާލޭގައި ބޯހިޔާވަހިކަމުގެ މަޝްރޫއުތައް ހިންގައިފަ އެވެ. އޭގެ ތެރޭގައި މޯލްޑިވްސް އެއާޕޯޓްސް ކޮމްޕެނީ ލިމިޓެޑް (އެމްއޭސީއެލް) އިން ވެސް ވަނީ ހުޅުމާލޭ ފޭސް 2 ގެ ދެ ޓަވަރުގައި 384 އެޕާޓްމަންޓް ހަދައިފަ އެވެ. އަދި މޯލްޑިވްސް ޕޯޓްސް ލިމިޓެޑް (އެމްޕީއެލް) އާއި ސްޓެލްކޯ ފަދަ ކުންފުނިތަކުން ވެސް ފްލެޓް އަޅައި އެތަންތަން މުވައްޒަފުންނަށް ދޫކޮށްފައިވެ އެވެ.