N/A
ބޭންކް އޮފް މޯލްޑިވްސްގެ ކްރެޑިޓް ކާޑުތަކުން
ރާއްޖެއިން ބޭރުގެ މުޢާމަލާތްތަކަށް ކަނޑައަޅާފައިވާ ލިމިޓު 3000 ޑޮލަރާއި ހަމައަށް
ބޮޑުކުރަން އެ ބޭންކުން ނިންމައިފިއެވެ.
މި ބަދަލު ގެންނަން ނިންމާފައިވަނީ ފެބްރުއަރީ 1 ވާ
ހޯމަ ދުވަހުން ފެށިގެންނެވެ.
ކްރެޑިޓް ކާޑުތަކަށް މިހާރު ހުރި ލިމިޓްތަކަށް
ބަލައިލާއިރު ކްލެސިކް ކްރެޑިޓް ކާޑުގެ ލިމިޓަކީ 750 ޑޮލަރެވެ. ގޯލްޑް ކްރެޑިޓް
ކާޑުގެ ލިމިޓަކީވެސް 750 ޑޮލަރެވެ. އަދި ޕްލެޓިނަމް ކްރެޑިޓް ކާޑުގެ ލިމިޓަކީ 1500
ޑޮލަރެވެ.
އާ ބަދަލާއެކު ކްލެސިކް ކްރެޑިޓް ކާޑުގެ ލިމިޓު
1400 ޑޮލަރަށް، ގޯލްޑް ކްރެޑިޓް ކާޑުގެ ލިމިޓް 1500 ޑޮލަރަށް އަދި ޕްލެޓިނަމް
ކްރެޑިޓް ކާޑުގެ ލިމިޓް 3000 ޑޮލަރަށް އިތުރުވެގެންދާނެއެވެ.
މިއީ ކޮންމެ ކަސްޓަމަރަކަށް ޑެބިޓް ކާޑުން ބޭނުންކުރެވ
ގޮތަށް ހަމަޖައްސާފައިވާ ލިމިޓްގެ އިތުރުން އެ ކަސްޓަމަރެއްގެ ކްރެޑިޓް ކާޑަށް
ހަމަޖައްސާފައިވާ ލިމިޓެއް ކަން ބޭންކުން ފާހަގަކުރެއެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް