މެދުއިރުމަތީ މަސްރަހުން ރާއްޖެއަށް އެރި ފުރަތަމަ ލޮޅުން : ތެލުގެ އަގު މިއަދުން ފެށިގެން ލީޓަރަކުން ދެ ރުފިޔާ ތިން ރުފިޔާ ބޮޑުވެއްޖެ

އެފްއެސްއެމްގެ ފިއުލް ސްޓޭޝަންތަކުން ވިއްކާ ޕެޓްރޯލާއި ޑީޒަލްގެ އަގު 5 މާޗުން ފެށިގެން ބޮޑުކޮށްފިއެވެ.

އައު އަގުތަކަށް ބަލާއިރު، ޕެޓްރޯލް ލީޓަރެއް މިހާރު ވިއްކަނީ 16.01 ރުފިޔާއަށެވެ. ކުރިން ޕެޓްރޯލް ލީޓަރެއް ވިއްކީ 13.50 ރުފިޔާއަށް ކަމުން، މިއީ ލީޓަރަކުން 2.51 ރުފިޔާގެ ބޮޑުވުމެކެވެ.

ޑީޒަލް ލީޓަރެއްގެ އަގު މިހާރު ހުރީ 17.54 ރުފިޔާގައެވެ. ކުރިން ޑީޒަލް ލީޓަރެއް 13.92 ރުފިޔާއަށް ވިއްކި ނަމަވެސް، މިފަހަރު ވަނީ ލީޓަރަކުން 3.62 ރުފިޔާ ބޮޑުކޮށްފައެވެ.