ކ. ދިއްފުށީގެ ތިމާވެށި ހިމާޔަތްކޮށް ފެހިކަން އިތުރުކުރުމުގެ މަޤުޞަދުގައި އުރީދޫއިން އެ ރަށުގައި ގަސް އިންދުމުގެ ހާއްސަ ހަރަކާތެެއް ކުރިޔަށް ގެންގޮސްފި އެވެ.

މި ހަރަކާތް ކުރިޔަށް ގެންދިޔައީ އެ ރަށުގެ އަންހެނުންގެ ތަރައްޤީއަށް މަސައްކަތްކުރާ ކޮމިޓީ އާއި ގުޅިގެންނެވެ. މި ހަރަކާތް ހިންގީ އުރީދޫގެ "ގްރޯ ވިތު އުރީދޫ" އިސްނެގުމުގެ ތެރެއިންނެވެ.

Advertisement

ދިއްފުށީގެ ގިނަ ޢަދަދެއްގެ ރައްޔިތުން ބައިވެރިވި މި ޕްރޮގުރާމުގައި ރަށުގެ އެކި ސަރަހައްދުތަކުގައި ގަސް އިންދާފައިވެއެވެ. ހަރަކާތަށް ބޭނުންވި ގަސްތައް ފޯރުކޮށްދިނީ އެޗްޑީސީންނެވެ.

މި ހަރަކާތުގެ ބޭނުމަކީ ދިއްފުށީގެ ފެހިކަން އިތުރުކުރުމާ އެކު، ތިމާވެށި ރައްކާތެރިކުރުމުގައި މުޖުތަމަޢުގެ ބައިވެރިވުން ހޯދުން ކަމަށް އެ ކުންފުނިން ބުނެއެވެ.

"ގްރޯ ވިތު އުރީދޫ" ޕްރޮގުރާމު މެދުވެރިކޮށް އެ ކުންފުނިން ރާއްޖޭގެ އެކި ކަންކޮޅުތަކުގައި ލޯކަލް ކައުންސިލްތަކާއި ޖަމިއްޔާތަކާ ގުޅިގެން ތިމާވެށީގެ ޒިންމާދާރުކަން ކުރިއެރުވުމަށް މަސައްކަތް ކުރަމުން ގެންދެއެވެ.