ރައީސުލްޖޫމްހޫރިއްޔާ ޑރ. މުހައްމަދު މުއިއްޒު އާއި ފަސްޓް ލޭޑީ މެޑަމް ސާޖިދާ މުހައްމަދު ނުރަސްމީ ދަތުރުފުޅެއްގައި ސިންގަޕޫރަށް ވަޑައިގެންފި އެވެ.

ރައީސް އޮފީހުން ބުނީ ދެކަނބަލުން ފުރާ ވަޑައިގެންނެވީ ރޭގެ ވަގުތެއްގައި ކަމަށެވެ.

Advertisement

މި ދަތުރުފުޅަކީ އަމިއްލަ ދަތުރުފުޅަކަށް ވާތީ ދަތުރުފުޅާއި ގުޅޭ މައުލޫމާތު އެ އޮފީހުން ހާމައެއް ނުކުރައްވަ އެވެ. އަދި ދަތުރު ފުޅުގެ މުއްދަތުވެސް ހާމައެއް ނުކުރެ އެވެ.

ރައީސްގެ ދެކަނބަލުން ދޭތެރެ ދޭތެރެއިން ނުރަސްމީ ދަތުރުފުޅުގައި ސިންގަޕޫރަށް ވަޑައިގެންނަވަ އެވެ. އެންމެ ފަހުން ނުރަސްމީ ދަތުރުފުޅެއްގައި އެ ގައުމަށް ވަޑައިގެންނެވީ މިދިޔަ މެއި މަހު އެވެ.