ބަނގުރާ ގެންގުޅެ ވިޔަފާރިކުރާ ކަމުގެ ތުހުމަތުގައި ހުޅުމާލެއިން ހައްޔަރު ކޮށްފި އެވެ.

އެމީހުން ހައްޔަރު ކުރީ ފޭސް އެކެއްްގެ ލަކުޑި ޖެޓީ ސަރަހައްދުންނެވެ. އެމީހުން ހައްޔަރު ކުރީ ޕެޓްރޯލް ކުރަން އުޅުނު ފުލުހުންނަށް އެމީހުންގެ އަމަލުތައް ޝައްކު އުފެދޭ ގޮތަކަށް ހުރުމުން ބަލާ ފާސް ކުރުމަށް ފަހު އެވެ.

Advertisement

ފުލުހުން ބުނީ މި މައްސަލައިގަ ހައްޔަރު ކުރީ  ޢުމުރުން 32 އަހަރުގެ މުޙައްމަދު މުބާރިކް، ރާނީވިލާ / ޅ. ނައިފަރު އާއި 23 އަހަރުގެ ޙަސަން ޤާސިމް ސައިލުގެ / ޅ. ނައިފަރު ކަމަށެވެ.

އެ ދެ މީހުން ތިބި ސަރަހައްދާއި ގެންގުޅުނު ތަކެތި ބަލައިފާސްކުރުމުން 24 ދަޅު ބަނގުރާ ފެނިފައިވާ ކަމަށް ފުލުހުން ބުނެފައިވެއެވެ.

ބަންދާ މެދު ގޮތެއް ނިންމުމަށް ކޯޓަށް ހާޒިރުކުރުމުން މުޙައްމަދު މުބާރިކް 15 ދުވަހަށް އަދި ޙަސަން ޤާސިމް ފަސް ދުވަހަށް ބަންދުގައި ބެހެއްޓުމަށް ކޯޓުން ވަނީ އަމުރުކޮށްފައެވެ.

މި މައްސަލަ ފުލުހުން ދަނީ ތަޙުޤީޤުކުރަމުންނެވެ.