ހުޅުމާލޭގައި ހިންދޫ ދީނުގެ އަޅުކަމެއް ކުރި އަންހެނަކު ހައްޔަރުކޮށްފި އެވެ.

ފުލުހުންގެ މީޑިއާ އޮފިޝަލް ވިދާޅުވީ ހުޅުމާލެ ފޭސް 1 އަދި 2 ގުޅޭ ބްރިޖް ސަރަހައްދުގައި އަންހެނަކު ހިންދޫ ދީނަށް އަޅުކަންކުރާ މަންޒަރުފެންނަ ވީޑިއޯއެއް ކުޅެ އާންމު ކުރުން ސަމާލުކަމަށް އައިސްފައިވާ ކަމަށެވެ. އޭނާ އެވީޑިއޯ ނެގީ މިދިޔަ މަހުގެ 25 ވަނަ ދުވަހު އެވެ.

Advertisement

މިކަން ފުލުހުންގެ ސަމާލުކަމަށް އައުމާ ގުޅިގެން، ތުހުމަތުކުރެވޭ ފަރާތް މިދިޔަ އަންގާރަ ދުވަހު ފުލުހުންގެ ބެލުމުގެ ދަށަށް ގެންގޮސްފައިވާ ކަމަށް ވިދާޅުވި އެވެ.

މި މައްސަލައިގަ ފުލުހުން ހައްޔަރު ކުރީ 44 އަހަރުގެ ނޭޕާލު އަންހެނެކެވެ.

އޭނާއަކީ 2024 ވަނަ އަހަރުން ފެށިގެން އިމިގްރޭޝަންގެ ގާނޫނާ ހިލާފަށް ރާއްޖޭގައި އުޅޭ މީހެއްކަން ތަހުގީގުގެ ތެރެއިން ބެލިބެލުމުން އެނގިފައިވާ ކަމަށްވެސް ފުލުހުން މައުލޫމާތުދެ އެވެ.

އެހެންވެ މައްސަލައިގެ އިޖުރާއަތްތައް ފުރިހަމަކުރުމަށްފަހު، ފުލުހުން ވަނީ އިމިގްރޭޝަން ގާނޫނުގެ ދަށުން ފިޔަވަޅު އެޅުމަށް އޭނާވަނީ މޯލްޑިވްސް އިމިގްރޭޝަނާ ހަވާލުކޮށްފައެވެ.