ކ. ތިލަފުށިން ފުރައިގެން ދަތުރުކު ކުރަނިކޮށް ގ. ގާފަރު ކައިރިއަށް އަޑިއަށް ދިޔަ ކޮޅުވެއްޓިން ގެއްލުނު ދެ މީހުން އަދިވެސް ނުފެންނަ ކަމަށް ސިފައިން ބުނެފި އެވެ.

މި ހާދިސާ ހިނގީ މިދިޔަ ހުކުރު ދުވަހު އެންމެ މޫސުން ގޯސްވެފައި އޮތް ވަގުތު އެވެ. ގެއްލިގެން ހޯދަމުން ދަނީ އިންޑިއާ ދެ ފިރިހެނުންނެވެ.

Advertisement

އެމްއެންޑީއެފުން މައުލޫމާތުދޭގޮތުގައި އެ ދެމީހުން ހޯދުމަށް ކަނޑާއި ވައިގެ މަގުން 2747 އަކަ ނޯޓިކަލް މޭލުގެ ސަރަހައްދެއް ވަނީ ބަލާފައި އެވެ. އެމްއެންޑީއެފްގެ ޑައިވަރުން ވަނީ ކޮޅުވެއްޓި އަޑިއަށް ދިޔަ ސަރަހައްދަށް ޑައިވިން ކޮށްގެންވެސް އެމީހުން ފެނޭތޯ ބަލާފައި އެވެ.

މި ހޯދުމުގެ މަސައްކަތުގައި ފާސްޓް އިންޓަސެޕްޓަ ކްރާފްޓުގެ އިތުރުން އެމްއެންޑީއެފުން އަލަށް ޚިދުމަތަށް ނެރުނު އިމާދުއްދީން މަނަވަރު ވެސް ހަރަކާތްތެރިވަމުންދާ ކަމަށް އެ ފޯސް އިން ބުނެފައިވެއެވެ.

ގެއްލުނު ދެ މީހުން ހޯދުމުގެ މަސައްކަތް ކޯސްޓުގާޑުން މެދުކެނޑުމެއް ނެތި ކުރިއަށް ގެންދާ ކަމަށް އެމްއެންޑީއެފުން ބުނެފައިވެއެވެ.

ހާދިސާ ހިނގި އިރު އެ ކޮޅުވެއްޓީގައި 10 މީހުން ތިއްބެވެ. އޭގެ ތެރެރިން ސަލާމަތްވި އަށް މީހުން ވަނީ އެ ދުވަހު ގާފަރަށް ގެންގޮސްފައި އެވެ.