ސްޕެއިނުގެ އުތުރު އެފްރިކާގެ ސަރަހައްދެއް ކަމަށްވާ ސެއުތާގެ ކަނޑުގެ ބޯޑަރުގައި 500 މީޓަރުގެ ހުރަހެއް ބެހެއްޓުމަށް ސްޕެއިނުން ނިންމައިފިއެވެ.

މޮރޮކޯ ހުރަސްކޮށް ސެއުތާއަށް 50000 އާއި 60000 އާ ދެމެދުގެ ޢަދަދެއްގެ ހިޖުރަވެރިން މި ހަފުތާގެ ކުރީ ކޮޅުގައި މުޅި ވަނުމާއި ގުޅިގެން ސްޕެއިން އާއި ސަރަހައްދުގެ ހަމަޖެހުން ވަނީ ގެއްލިފައި އެވެ. އެ މީހުންގެ ތެރެއިން ގެނބިގެންނާއި ފެންސުމަތީ ހުރަސްކުރާ ދިމާއެއް ކައިރީ ފިތި ބާރުވެގެން ހިނގި ހާދިސާތަކުގައި ހޮނިހިރު ދުވަހާ ހަމައަށް 67 މީހަކު މަރުވެފައިވެއެވެ.

Advertisement

ކަނޑުގެ އާ ހުރަސް ބެހެއްޓުމުގެ ޕްލޭން އިޢުލާނުކުރެއްވީ ސްޕެއިނުގެ ދާޚިލީ ވަޒީރު ފެނާންޑޯ ގްރެންޑެ މާލަސްކާއެވެ. އޭނާ ވިދާޅުވީ ސެއުތާއަށް ވަން ގިނަ ހިޖުރަވެރިން މޮރޮކޯއަށް އަނބުރާ ފޮނުވައިލެވިފައިވާ ކަމަށެވެ. ސެއުތާއަށް ވަޑައިގެން ވަޒީރު ވިދާޅުވީ ޤާނޫނާ ޚިލާފުވާ ފަރާތްތަކާ ދެކޮޅަށް ސްޕެއިން ފަހަތަކަށް ނުޖެހޭނެ ކަމަށެވެ.

އެކަމަކު ސްޕެއިންގެ ސެއުތާއަށް މޮރޮކޯގެ ފަރާތުން ނުރައްކަލެއް ކުރިމަތިވާ ކަމަށް ބުނާ ވާހަކަ ވަޒީރު ދޮގުކުރެއްވިއެވެ. އޭނާ ވިދާޅުވީ ނުގަވައިދުން ވަތް މީހުން ފޮނުވާލުމުގެ މަސައްކަތް ކުރަމުންދަނީ ދެ ގައުމު ގުޅިގެން ކަމަށާއި 24 ގަޑިއު ތެރޭ އެ މަސައްކަތުން ހާލަތު ހަމަޔަކަށް އެޅިފައިވާ ކަމަށެވެ.

މި ހުރިހާ ކަމެއް ހިނގަމުން ދިޔައިރު ސެއުތާއަށް ވަތް ހިޖުރަވެރިންގެ ތެރެއިން އެތައް ސަތޭކަ ބަޔަކު ހޮނިހިރު ދުވަހު އަމިއްލައަށް މޮރޮކޯއަށް އެނބުރި ގޮސްފައިވެއެވެ. ކާބޯތަކެތި ލިބުން ދަތިވުމާއި ހިޔާވަހިކަން ނެތުން ފަދަ ދަތި ޙާލެއްގައި ތިބެންޖެހުމުން އެނބުރި ދިޔައީ ކަމަށް އެ މީހުން ބުނެފައިވެއެވެ.

އާންމުވެފައިވާ ބައެއް ވީޑިއޯތަކުން ފެންނަ ގޮތުގައި ސެއުތާގެ ރެސްޓޯރެންޓް ކެފޭތަކުން އެމީހުންނަށް ހިދުމަތް ނުދީ މާރާމާރީ ހިންގޭ ސަރަހައްދުން ފޮނުވާލަންތަން ފެނެ އެވެ. މިކަމާއި ގުޅިގެން މޮރޮކޯއިން ސްޕެއިނަށް އެތެރެވި މީހުން ބުނީ ސެއުތާގެ ވަޒަންވެރިންނަކީ ކުރީގެ މޮރޮކޯ ރައްޔިތުން ކަމަށާއި އެމީހުންނަކީ ހަމަ މިހާރު ހިޖުރަކުރި މީހުން ސްޕެއިންއަށް ދިޔަ ގޮތަށް ވަދެ ތިބި ބައެއްކަމުން އެގޮތަށް އެމީހުންނާއި މެދު އަމަލު ކޮށްގެންވާނެ ކަމަށް ގަބޫލު ނުކުރާ ކަމަށެވެ.

ސްޕެއިނަށް އެތެރެވެ މީހުން ކުރިން ބުނެފައިވާ ގޮތުގައި އެމީހުން އެހާ އުނދަގުލުން ބޯޑަރު ހުރަސްކޮށް އެތެރެވީ ދިރިއުޅުމަށް އެއަށްވުރެ ރަނގަޅު ގޮތެއް ހޯދުމަށެވެ. މޮރޮކޯގައި ތިބެގެން އެމީހުންނަށް އެއްވެސް މުސްތަގުބަލެއް ނެތް ކަމަށް ބުނެފައިވެ އެވެ.