މޫސުން އިތުރަށް ގޯސްވެ، ވިލާގަނޑުގައި 50 މޭލު ބާރު މިނުގައި ވައި ޖެހެމުންދާ ކަމަށް މޫސުމާއި ބެހޭ ގައުމީ އިދާރާއިން ބުނެފި އެވެ.

މެޓުން އިއްޔެ ބުނީ މިހާރު ކުރަމުންދާ ވިއްސާރައިގަ އެންމެ ބޮޑަށް މޫސުން ގޯސްވެ ގަދަ ވަޔާއި އެކު ވާރޭ ވެހޭނީ މިއަދު ކަމަށެވެ. ވިއްސާރަ އަލިވާން ފަށާނީ އާދިއްތަ ދުވަހު ކަމަށް ލަފާ ކޮށްފައިވެ އެވެ.

Advertisement

މިއަދު މޫސުން އިތުރަށް ގޯސްވެފައިވާތީ ހެނދުނު 6:15 އިން ފެށިގެން 11:30 ހާއި ހަމައަށް ވަނީ ރީނދޫ ސަމާލު ނެރެފައި އެވެ. ސަމާލު ނެރެފައިވަނީ ހއ. އަތޮޅުން ފެށިގެން މ. އަތޮޅާއި ހަމައަށެވެ.

މެޓުން ބުނީ މިވަގުތުގައި އާންމުކޮށް ވައިޖެހެމުންދާނީ 25 މޭލާއި 30 މޭލާއި ދެމެދުގެ ބާރު މިނުގައި ކަމަށެވެ. އަދި ވިލާގަނޑުގައި 50 މޭލުގައި ވައި ޖެހެމުންދާ ކަމަށެވެ.

މި ސަރަހައްދުގެ ކަނޑުތައްވެސް ގަދަވާނެ ކަމަށް ލަފާ ކުރެ އެވެ.

 މޫސުމަށް ސަމާލުވުމަށް މެޓުން އިލްތިމާސް ކުރޭ -- ދުވަސް ފޮޓޯ

މެޓު އޮފީހުން ބުނީ މިހާރު ރާއްޖެއަށް ކުރަމުން މިދަނީ ހުޅަނގު މޫސުމުގެ ވިއްސާރަ ކަމަށެވެ. އަދި އިންޑިއާ މަތީ އުފެދިފައިވާ ވިއްސާރަ ވިލާތަށް ރާއްޖޭގެ ބޮޑު ބަޔަކަށް ފެތުރިފައިވާ ކަމަށް މައުލޫމާތުދެ އެވެ.