މިރޭވެސް މޫސުން ގޯސްވާނެ ކަމަށް މޫސުމާއި ބެހޭ ގައުމީ އިދާރާއިން ލަފާކޮށްފި އެވެ.

މެޓުން ބުނީ މިރޭ އެންމެ މޫސުން ގޯސްވާނީ ހއ. އަތޮޅުން ފެށިގެން ތ. އަތޮޅާއި ދެމެދުގެ ސަރަހައްދަށެވެ. އެ ސަރަހައްދަށް ވަނީ ހުދު ސަމާލު ނެރެފައި އެވެ.

Advertisement

ސަމާލު ނެރެފައިވަނީ މިއަދު ހަވީރު 4:00 ން ރޭގަނޑު 10:00 އަށެވެ.

މެޓުން ބުނީ އެ ވަގުތުތަކުގައި އެ ސަރަހައްދަށް ބޯކޮށް ވާރޭވެހޭނެ ކަމަށެވެ. އަދި ކަނޑުތައް ވަރަށް ގަދަވާނެ ކަމަށް ލަފާ ކުރެ އެވެ.

އާންމު ގޮތެއްގައި ވައި ޖެހޭނީ 19 މޭލާއި 24 މޭލާއި ދެމެދުގެ ބާރު މިނުގައި އެވެ. ވިލާގަނޑުގައި 45 މޭލަށް ވައި ގަދަވާނެ ކަމަށް ލަފާ ކޮށްފައިވެ އެވެ.

މެޓުން ވަނީ މޫސުމަށް ސަމާލުކަން ދިނުމަށް ހުރިހާ ފަރާތްތަކަށް އިލްތިމާސްކޮށްފަ އެވެ.

އެ އިދާރާއިން ބުނީ މިހާރު ކުރަމުންދާ ވިއްސާރަ އަލިވާން ފަށާނީ އަންނަ އާދިއްތަ ދުވަހު ކަމަށެވެ.