ސައުދީ އަރަބިއްޔާގެ ބައެއް ސަރަހައްދުތަކަށް އަންނަ ހަފްތާގައި އާދަޔާ ހިލާފަށް ހޫނު ގަދަވާނެ ކަމަށް ލަފާކޮށްފި އެވެ.

އާންމުކޮށް އޮގަސްޓު މަހު ސައުދީގެ ހޫނު މިން ހުންނަނީ ދުވާލު ގަޑީގައި 39 ޑިގްރީ ސެލްސިއަސް އާއި 43 ޑިގްރީ ސެލްސިއަސްގައި އެވެ.

Advertisement

އެ ގައުމުގެ މޫސުމާއި ބެހޭ ގައުމީ މަރުކަޒު (އެންސީއެމް() އާއި ހަވާލާދީ މީޑިއާ ރިޕޯޓުތައް ބުނާގޮތުގައި އޮގަސްޓު 1-8 އަށް ހޫނުމިން އާންމުކޮށް ހުންނާނީ 49 ޑިގްރީ ސެލްސިއަސްގައި އެވެ. އެ އިދާރާއިން ބުނީ އަންނަ ހޮނިހިރު ދުވަހުން ފެށިގެން އަންނަ ހަފްތާގެ ހުކުރު ދުވަހާ ހަމައަށް އަންނާނެ ކަަމަށް ލަފާ ކުރަނީ ހޫނުގެ ރާޅެއް ކަމަށެވެ.

މި ހޫނުގެ އަސަރު އެންމެ ގަދަވާނީ ސައުދީގެ ހުޅަނގު ޕްރޮވިންސާއި ރިޔާދު ސަރަހައްދުގެ އިރުމަތީ ފަރާތަކަށް ކަމަށް ލަފާ ކުރެ އެވެ.

އެ ސަރަޙައްދުތަކުގައި ފިނިހޫނުމިން 47 ޑިގްރީ ސެލްސިއެސް އާއި 49 ޑިގްރީ ސެލްސިއެސް އާ ދެމެދުގެ މިންވަރެއްގައި ހުންނާނެ ކަމަށް ލަފާކޮށްފައިވެއެވެ.

ހޫނު މިން އޮގަސްޓު ނުވަ ވަނަ ދުވަހުން ފެށިގެން ދަށްވާނެ ކަމަށް ބުނެފައިވެ އެވެ.

އާންމުކޮށް ސައުދީއަކީ ހޫނު ގަދަ ގައުމަކަށް ވާއިރު މިދިޔަ ހައްޖު މޫސުމުގައިވެސް ވަރަށް ހޫނު ގަދަވެފައިވެ އެވެ. އެގޮތުން ބައެއް ދުވަސް ދުވަހު 51 ޑިގްރީ ސެލްސިއަސްއަށްވެސް ހޫނު މިން ރެކޯޑު ކުރެވިފައިވެ އެވެ.