ކަނޑުމަގުން ރާއްޖެ އެތެރެ ކުރި ގިނަ އަދަދެއްގެ މަސްތުވާތަކެތި ކަސްޓަމްސް އިން އަތުލައިގެންފި އެވެ.

އެ އިދާރާއިން މާލޭ ކޮމާޝަލް ހާބަރުގައި ހިންގި އޮޕަރޭޝަނެއްގައި މިތަކެތި އަތުލައިގަތީ މިމަހުގެ 27 ވަނަ ދުވަހު ކަމަށެވެ.

Advertisement

އަތުލައިގަތް މަސްތުވާތަކެތީގެ ވަގުތީ ބަރުދަނުގައި 2.2 ކިލޯ ހުރި އެވެ. ކަސްޓަމްސް އިން ބުނީ އެތަކެތީގެ މަގުމަތީ އަގު 4.4 މިލިއަން ރުފިޔާއަށް އަރާނެ ކަމަށް ލަފާ ކުރާ ކަމަށެވެ.

މި އޮޕަރޭޝަންގައި އަތުލައިގަނެވިފައިވަނީ މަސްތުވާތަކެތީގެ ބާވަތެއް ކަމަށްވާ މެތްއެމްފެޓަމީން އެވެ. 

މި މައްސަލައިގަ ހިމެނޭ މީހުން ހޯދުނު ކަމެއް އަދި ހާމައެއް ނުކުރެ އެވެ. އަދި މިތަކެތި ރާއްޖެ ގެނައި ގައުމުވެސް ހާމައެއް ނުކުރެ އެވެ.

މިމަހު 23 ވަނަ ދުވަހު މާލޭ ކޮމާޝަލް ހާބަރުގައި ހިންގި އޮޕަރޭޝަނެއްގައިވެސް ވަނީ ގިނަ އަދަދެއްގެ މަސްތުވާތަކެތި އަތުލައިގެންފަ އެވެ. އެދުވަހު ކަސްޓަމްސްއިން ހިންގި އޮޕަރޭޝަންގައި މަސްތުވާތަކެތީގެ ބާވަތެއް ކަމަށްވާ ސިންތެޓިކް ކެތިނޯންގެ 3.1 ކިލޯ އަތުލައިގެންފަ ވެއެވެ.

އެތަކެތީގެ މަގުމަތީ އަގު 5.6 މިލިއަން ރުފިޔާއަށް އަރާ ކަމަށް ކަސްޓަމްސް އިން ބުނެފައިވެ އެވެ.