ވައިގަދަވެ މޫސުން ގޯސްވެފައިވާތީ ސިނަމާލެ ބްރިޖާއި ލިންކުރޯޑުގައި ދުއްވާ އުޅަނދުފަހަރުގެ ރައްކާތެރިކަމަށް ސަމާލުވުމަށް ޓްރެފިކް ފުލުހުން މިއަދު އިލްތިމާސްކޮށްފިއެވެ.

ސޯޝަލް މީޑިއާ މެދުވެރިކޮށް ޓްރެފިކް ފުލުހުން ޢާންމުކުރި ޕޯސްޓެއްގައި ހަތަރު ކަމަކަށް ސަމާލުކަން ދިނުމަށް އެދިފައިވެއެވެ.

Advertisement

އެ ގޮތުން ބުރުގާ އަޅާ ފަރާތްތައް ވައިގެ ސަބަބުން މޫނު މައްޗަށް ބުރުގާ ނުދާނެ ގޮތަށް ހެދުމާއި ރަނގަޅު ފެންވަރުގެ ވިއްސާރަކޯޓެއް ލައިގެން ދަތުރުކުރުމަށް ވަނީ އިރުޝާދު ދީފައެވެ.

އޭގެ އިތުރުން ވައި ބާރު ވަގުތުތަކުގައި އުޅަނދު ކޮންޓްރޯލް ކުރެވޭ ފަދަ ދުވެއްޔެއްގައި ދުއްވުމަށާއި ހެޑްލައިޓާއި ޓެއިލް ލައިޓު ދިއްލައިގެން ދުއްވުމަށް ވެސް ފުލުހުން ވަނީ އެދިފައެވެ.

މި ދުވަސްވަރު ރާއްޖޭގެ ބޮޑު ސަރަހައްދަކަށް ވިއްސާރަކުރަމުންދާއިރު މެޓް އޮފީހުން ވަނީ ހއ. އަތޮޅުން ފެށިގެން ފ. އަތޮޅާ ހަމައަށް މިއަދު ހެނދުނު 10:45 އިން ހަވީރު 4:00 އަށް ވައިޓް އެލާޓު ނެރެފައެވެ.

މެޓުން ލަފާ ކުރާގޮތުގައި މިހާރު ކުރަމުންދާ ވިއްސާރަ އަލިވާން ފަށާނީ އަންނަ އާދިއްތަ ދުވަހުން ފެށިގެންނެވެ.