ޖަޕާނުގެ ހުޅަނގު ދެކުނުގެ ކުމަމޮޓޯ ޕްރިފެކްޗާއަށް އިއްޔެ އަދި ބާރުގަދަ ބިންހެލުމެއްގައި މިހާތަނަށް 13 މީހުން މަރުވެފައިވާ ކަމަށް ރިޕޯޓުތައް ބުނެފި އެވެ.

ބިން ހެލުން އައީ 6.8 މެގްނެޓިއުޑުގެ ބާރުމިނުގައި އެވެ. މި ބިންހެލުމުގައި ގެތަކުގައި ރޯވެ، ބައެއް ބުރިޖުތައް ވެއްޓި، ދަގަނޑު ޓަވަރުތައް ހަލާކުވެ ބޮޑެތި ގެއްލުންތައް ލިބުނެވެ.

Advertisement

ޖަޕާނުގެ ސީސްމިކް އިންޓެންސިޓީ މިންގަނޑުން މި ބިންހެލުން ރެކޯޑުކުރީ އެންމެ މަތީ ދަރަޖަ ކަމުގައިވާ ހަތެއްގައެވެ.

ކުމަމޮޓޯ ޕްރިފެކްޗާގެ ކަމާބެހޭ ފަރާތްތަކުން ހާމަކުރި ގޮތުގައި ބިންހެލުމުގައި 31 މީހަކަށް އަނިޔާވެ ގާތްގަނޑަކަށް 48,000 ގެއަކުން ކަރަންޓު ކެނޑުނެވެ. މީގެ އިތުރުން މަގުތަކާއި ބުރިޖުތަކަށް ގެއްލުން ލިބި ބައެއް ޢިމާރާތްތައް ވެއްޓުނެވެ.

މިހާތަނަށް 13 މީހުން މަރުވެގެން ރިޕޯޓު ކުރި ނަމަވެސް އެ އަދަދު އިތުރުވާނެ ކަމަށް ބެލެވޭކަމަށް ޖަޕާނުގެ ކަމާބެހޭ އިދާރާތަކުން ބުނެފައިވެ އެވެ. އެއީ ކަޝީމާ އަވަށުގައި ހުންނަ އެއޯން ޝޮޕިންގ މޯލްގެ ދެވަނަ ފަންގިފިލާ ވެއްޓި، ބިންހެލުމަށް ފަހު ގޮވުމެއް ހިނގައި ގިނަ ބަޔަކު ތާށިވެފައިވެއެވެ.

އެތަނުންނާއި އެހެން ގެތަކުންވެސް މީހުން ސަލާމަތް ކުރުމުގެ އޮޕަރޭޝަންތައް ދަނީ ހިންގަމުންނެވެ.

މިފަދަ ބާރުގަދަ ބިންހެލުމެއް ޖަޕާނަށް އެންމެ ފަހުން ރެކޯޑުކުރެވުނީ 2024 ވަނަ އަހަރުގެ އައު އަހަރު ދުވަހު ނޮޓޯ ޕެނިންސިއުލާއަށް އައި ބިންހެލުމުގައެވެ.