ނ. އަތޮޅު ފެމިލީ އެންޑް ޗިލްޑްރަން ސާވިސް ސެންޓަރަށް ޑްރަގް ވައްދަން އުޅުނު ކަމުގެ ތުހުމަތުގައި މީހަކު ހައްޔަރުކޮށްފި އެވެ.

މި މައްސަލައިގަ ފުލުހުން ހައްޔަރު ކުރީ ޅ. ނައިފަރު ފުންވިލު ޒައިދު މުޙައްމަދު (36އ) އެވެ. އެމީހާ ހައްޔަރު ކުރީ ޖުލައި މަހުގެ 26 ވަނަ ދުވަހުއެވެ.

Advertisement

އެމީހާ ހައްޔަރު ކޮށްފައިވަނީ ފުލުހުންގެ ކައުންޓާ ނާކޮޓިކްސް އިންޓެލިޖެންސާއި މަނަދޫ ޕޮލިސް ގުޅިގެން ހިންގި އޮޕަރޭޝަނެއްގައި އެވެ. ފުލުހުން ބުނީ އޭނާ ބަލައިފާސްކުރުމުގެ ތެރޭގައި މަސްތުވާތަކެތި ކަމަށް ޝައްކުކުރެވޭ އެއްޗެއް އަޅާފައި ހުރި 20 ރަބަރު ޕެކެޓު ފެނިފައިވާ ކަމަށެވެ.

އެ ތަކެތީގެ ވަގުތީ ބަރުދަނުގެ ގޮތުގައި 7.2 ގްރާމް ހުއްޓެވެ.

ޒައިދު ބަންދާ މެދު ގޮތެއް ކަނޑައެޅުމަށް ކޯޓަށް ހާޒިރުކުރުމުން ފަސް ދުވަހުގެ މުއްދަތަށް ބަންދުގައި ބެހެއްޓުމަށް ކޯޓުން ވަނީ އަމުރުކޮށްފައެވެ.

މި މައްސަލައިގެ ތަޙުޤީޤު ފުލުހުން ދަނީ ކުރިއަށް ގެންދަމުންނެވެ.