ރާއްޖޭގެ ހުރިހާ ސަރަހައްދެއްގެ ރަށްތަކަށް މިއަދު އުދައެރުމުގެ ފުރުސަތު އެބައޮތް ކަމަށް މޫސުމާއި ބެހޭ ގައުމީ އިދާރާއިން ލަފާކޮށްފި އެވެ.

މެޓުން ނެރެފައިވަނީ މުޅި ރާއްޖެއަށް ވައިޓް އެލާޓެވެ. އެއީ ހެނދުނު 11:00 ން މެންދުރު ފަހު 3:00 އަށެވެ. 

Advertisement

މެޓުން ބުނީ އާންމުކޮށް ރާޅުގެ އުސްމިން ހުންނާނީ 2-5 ފޫޓާއި ދެމެދުގެ އުސްމިނެއްގައި ކަމަށެވެ.

ދިޔަވަރު ބޮޑުވި ވަގުތު، އިއްޔެ މެންދުރު ވެސް މާލޭގެ އެކި ސަރަހައްދަށް އުދަ އަރައި ގެއްލުންވި އެވެ. އެންމެ ބޮޑަށް އުދަ އެރީ ދެކުނު ފަރާތަށާއި ކާނިވާ ސަރަހައްދަށެވެ.

އެ ދެ ސަރަހައްދަށް އުދަ އަރައި ސައިކަލުތައް ވެއްޓި ގިނަ އަދަދެއްގެ ސައިކަލުތަކަށް ލޮނު ވަދެފައިވެ އެވެ. އަދި ލޮނުގަނޑާއި އެކު ގިނަ އަދަދަކަށް ގާ އެއްގަމަށް އަރާފައިވެ އެވެ.