މިއަދުވެސް ރާއްޖޭގެ ބައެއް ރަށްތަކަށް އުދަ އެރުން އެކަށީގެންވާ ކަމަށް މޫސުމާއި ބެހޭ ގައުމީ އިދާރާއިން ލަފާކޮށްފި އެވެ.

މެޓު އޮފީހުން މިއަދު ހެނދުނު  ނެރުނު މޫސުމާއި ގުޅޭ އެންމެ ފަހުގެ މައުލޫމާތުގައި ބުނެފައިވާ ގޮތުގައި ބައެއް ރަށްތަކަށް އުދަ އަރާނެ ކަމަށް ލަފާ ކުރެވޭތީ ސަމާލުވުމަށް އިލްތިމާސް ކުރެ އެވެ. ވަކި ސަރަހައްދުތަކެއް  ފާހަގަކޮށްފައެއް ނުވެ އެވެ.

Advertisement

މެޓުން ބުނީ މިއަދު ބައެއް ރަށްތަކަށް ބޯކޮށް ވާރޭވެހި ގުގުރާނެ ކަމަށެވެ. ވިލާގަނޑުގައި ކަނޑުގަދަވާނެ ކަމަށް ލަފާ ކުރާއިރު ރާޅުގެ އުސްމިނުގައި 2 ފޫޓާއި 5 ފޫޓު ހުންނާނެ އެވެ.

މެޓުން ވަނީ މި ހަފްތާގައި ކުރިޔަށް އޮތް ދުވަސްތަކުގައި ރާއްޖޭގެ އެކި ހިސާބަށް ވިއްސާރަ ކުރާނެ ކަމަށް ލަދާކޮށްފައި އެވެ.

މިއަދުވެސް އުދަ އަރާނެ ކަމަށް ލަފާ ކޮށްފައިވާއިރު އިއްޔެ ވަނީ މާލެއަށް އުދަ އަރައި ބޮޑެތި ގެއްލުންވެފައި އެވެ. އުދަ އެރި ސަރަހައްދުތަކުގެ ތެރޭގައި ކާނިވާ ސަރަހައްދު، މާލޭ ދެކުނު ފަރާތް އަދި އަދި އަލަށް ހެދި ބޮޑުތަކުރުފާނު މަގުގެ ބައި ހިމެނެ އެވެ.

އުދަ އެންމެ ބޮޑަށް އެރި ކާނިވަލާއި އިންޑަސްޓްރިއަލް ޒޯން ސަަހަހައްދުގައި ހުރި ސައިކަލުތައްވެސް ވަނީ ވެއްޓިފައި އެވެ. އެ ސަރަހައްދުގައި ފެން ހިންދުމުގެ މަސައްކަތް ސިފައިން ކުރި އެވެ.

އިއްޔެ އެންމެ ބޮޑަށް އުދަ އަރަމުން ދިޔަ ވަގުތު މާލޭ ދެކުނު ފަރާތު ފަޅުން ނުކުންނަށް އުޅުން ލޯންޗެއް ވަނީ ކޮންޓްރޯ ނުވެ ގޮޮސް އެ ސަރަހައްދުގެ ތޮށި މައްޗަށް އުރިފަ އެވެ. އެ ލޯންޗުގައި އޭރު 20 މީހުން ތިއްބެވެ.