ދިވެހި ދައުލަތަށް ގިނަ ދުވަހު ޚިދުމަތް ކުރެއްވުމުގެ ޝަރަފު 66 ބޭފުޅަކަށް ރައީސުލް ޖުމްހޫރިއްޔާ އަރުވައިފި އެވެ.

މި ޝަރަފު އެރުވުން އޮތީ މިއަދު ބޭއްވި ރާއްޖޭގެ 61 ވަނަ މިނިވަން ދުވަހުގެ ރަސްމީ ޖަލްސާގައި އެވެ. 

މިއަދުގެ ރަސްމިއްޔާތުގައި ރައީސް ޑރ. މުހައްމަދު މުއިއްޒު ވަނީ ޝަރަފުގެ ބެޖާއި އައްޑަނަ އަދި ހަނދާނީ ލިޔުން އެ ބޭފުޅުންނަށް ދެއްވާފައި އެވެ.

މި ޝަރަފު ލިބިވަޑައިގެންނެވީ 41 އަހަރަށްވުރެ ދިގު މުއްދަތަކަށް ދައުލަތަށް ޚިދުމަތް ކުރައްވާފައިވާ ބޭފުޅުންގެ ތެރެއިން ކުރިން މި އިނާމު އެރުވިފައި ނުވާ ބޭފުޅުންނަށެވެ. މި ބޭފުޅުންނަށް އިނާމު އެރުވުމަށް ރައީސް ނިންމެވުމާ ގުޅިގެން ރައީސް އޮފީހުން އެ ބޭފުޅުންގެ ރެކޯޑުތައް ހޯއްދަވައި ޤައުމީ އިނާމާ ބެހޭ ކޮމިޓީއަށް ފޮނުވީ ކަމަށް އެ އޮފީހުން ބުނެ އެވެ.

އޭގެ ތެރެއިން އިނާމު ދެއްވާނެ ބޭފުޅުން ކަނޑައެޅީ ގައުމީ އިނާމު ކޮމިޓީން އެ ބޭފުޅުންނާއި ބައްދަލު ކުރައްވާ އިންޓަވިއުކޮށް ދިރާސާ ކުރުމަށް ފަހު އެވެ.

މި ބޭފުޅުންގެ އިތުރުން މިއަދުގެ ރަސްމިއްޔާތުގައި ވަނީ ހަތަރު ބޭފުޅަކަށް ދިވެހި ދައުލަތުގެ މަތިވެރި އިއްޒަތް އަރުވާފައި އެވެ. 

އެއީ

ޑރ. މުހައްމަދު ލަތީފް، މއ. ކިނބި

އިބްރާހީމް ރަޝީދު މޫސާ، ހ. މީރުބަހުރުގޭއާގެ

ހުސެއިން އަފީފް، މއ. ޗަމްޕާވިލާ

މުހައްމަދު މޫސާ (އުއްޗު) މއ. ޗަމްޕާވިލާ އެވެ.