ހުޅުމާލޭ ފޭސް އެކެއްގައި ހުންނަ އަޒީޒާ މިސްކިތަށް ގެއްލުން ދިން މީހާ އަދިވެސް ދެނެގަނުވުނު ކަން ނުވަތަ ނޫންކަން ފުލުހުން ހާމައެއް ނުކުރެއެވެ. 

އެ މިސްކިތަށް ގެއްލުން ދިނީ އިއްޔެ ރޭ މެންދަމު 3:30 ހާއިރު އެވެ. މި ހާދިސާއަށް މިހާރު 24 ގަޑިއިރަށްވުރެ ގިނަ އިރު ވީއެވެ.

Advertisement

މިސްކިތަށް ދީފައިވާ ބޮޑެތި ގެއްލުންތަކުގެ ތެރޭގައި ބަރު އެއްޗެއް އެއްލައި ބައެއް ދޮރުތަކުގެ ބިއްލޫރިތައް ތަޅާލުން ހިމެނެ އެވެ. އަދި މިސްކިތުގައި ރީތިކޮށް ތަރުތީބުކޮށް ބަހައްޓާފައި ހުރި މުސްހަފުތައް ނަގައި ބިންމައްޗަށް އުކާފައި ހުއްޓެވެ.

އަޒީޒާ މިސްކިތަށް ގެއްލުން ދީފައި -- ފޮޓޯ: ކިޔުންތެރިއެއް

އެ މައްސަލައިގަ އަދިވެސް މީހަކު ހައްޔަރު ކޮށްފައިވާކަން ނުވަތަ ނޫންކަންވެސް ފުލުހުން ހާމައެއް ނުކުރެއެވެ. 

މިސްކިތުގައި ހުންނަ ތަކެތި ވަގަށް ގެންދިއުމަކީވެސް ދޭތެރެއަކުން ހިނގަމުން އަންނަ ކަމެއްކަން ފާހަގަކޮށްލެވެއެވެ.