ފީފާ ވޯލްޑްކަޕް ތާރީހުގައި އެންމެ ގިނަ ގޯލް ޖެހި ކުޅުންތެރިޔާގެ ރެކޯޑް ފްރާންސްގެ ކެޕްޓަން ކީލިއަން އެމްބާޕޭއަށް މިއަދު ލިބުނަސް މާދަން އޭނާއަތުން އެ ރެކޯޑު އާޖެންޓީނާގެ ކެޕްޓަން ލިއޮނެލް މެސީ އަތުލާނެ ކަމަށް އެމްބާޕޭ ބުނެފި އެވެ.

އެންމެ ގިނަ ގޯލު ޖެހި ކުޅުންތެރިޔާގެ ޝަރަފު އެމްޕާބޭ ހޯދީ ރޭ ދަންވަރު އިންގްލޭންޑާއި އެކު ކުޅުނު ތިން ވަނަ ހޮވާ މެޗުގައި ޖެހި ދެ ގޯލާއި އެކު އެވެ. ރެކޯޑު އެމްބާޕޭއަށް ލިބުނަސް ރޭ މެޗުން 4-6 ން ފްރާންސް ބަލިވީ އެވެ.

Advertisement

މެޗަށް ފަހު ނޫސްވެރިންނާއި ވާހަކަ ދައްކަމުން އެމްބާޕޭ ބުނީ ވޯލްޑްކަޕްގައި އަދި އެއް މެޗު އޮވެ، އޭނާ އާއި އެންމެ ވާދަ ކުރާ ކުޅުންތެރިޔާ ކަމަށްވާ މެސީ އެ މެޗުގައި ކުޅުމަކީ އޭނާގެ ރެކޯޑު ގެއްލޭނެކަން ޔަގީންވާ ކަމެއް ކަމަށެވެ. އެމްބާޕޭގެ ރެކޯޑު މުގުރާލަން މެސީ ޖަހަން ޖެހެނީ އިތުރު އެންމެ ލަނޑެކެވެ.

އެމްބާޕޭ ބުނީ މިރޭގެ މެޗުގައި މެސީ ލަނޑު ޖަހާނެ ކަން ޔަގީންވާނެ ކަމަށެވެ. އަދި ރަންބޫޓު ހޯދާނީ މެސީ ކަން އޭނާއަށް ޔަގީންވާ ކަމަށް ބުންޏެވެ.

މި މުބާރާތް ފެށުނު އިރު މެސީ އާއި އެމްބާޕޭ ވެސް ފަހަތުލީ ޖަރުމަނުގެ ކުރީގެ ފޯވާޑް މިރޯސްލެވް ކްލޯޒޭގެ 16 ގޯލްގެ ރެކޯޑެވެ. ފުރަތަމަ އެ ރެކޯޑާ ހަމަކުރީ މެސީއެވެ. ދެން 21 ގޯލަށް ފޯރީވެސް މެސީއެވެ.

ނަމަވެސް އިންގްލެންޑް މެޗުގެ ބްރޭސް އާ އެކު އެމްބާޕޭ ކުރި ހޯދީއެވެ. އުތުރު އެމެރިކާގައި ބާއްވާ މި މުބާރާތުގައި އެމްބާޕޭ އަށް މެޗުން ޖެހީ 10 ގޯލެވެ. 2018 އާއި 2022 ގެ ދެ މުބާރާތުން 12 ގޯލާ އެކު ޖުމްލަ 22 ގޯލް ހަމަވީއެވެ. ގޯލްޑެން ބޫޓް ރޭހުގައި ވެސް ފައިނަލުގެ ކުރިން މެސީ އާ ދެ ގޯލް ކުރީގައި ހުރީ އެމްބާޕޭއެވެ.

ޖެހިޖެހިގެން ދެވަނަ ފައިނަލުގައި ކުޅުމުގެ ހުވަފެން ނިމުމަކަށް އައި ނަމަވެސް ހޯމަ ދުވަހު ސްޕޭނާ ދެކޮޅަށް ކުޅޭ ފައިނަލުގައި މެސީ ގޯލް ޖަހައިފި ނަމަ ވޯލްޑް ކަޕް ގޯލް ލިސްޓުގެ އެއް ވަނައިގައި އަނެއްކާ ވެސް ހުންނާނީ އެ އާޖެންޓީނާ ކެޕްޓަނެވެ.

ރަން ބޫޓަކީ މުބާރާތް ނިމޭއިރު އެންމެ ގިނަ ގޯލް ޖެހި ކުޅުންތެރިޔާއަށް ފީފާއިން ދޭ އެވޯޑެކެވެ. ދެ ކުޅުންތެރީން ގޯލްގެ ޢަދަދުން ހަމަހަމަ ވެއްޖެ ނަމަ ފުރަތަމަ ބަލާނީ އެސިސްޓުގެ ޢަދަދަށެވެ. އެ ގޮތުންވެސް ތަފާތު ނުކުރެވިއްޖެ ނަމަ މަދު މިނެޓު ކޮޅެއްގެ ތެރޭގައި ގޯލާއި އެސިސްޓު ހެދި ކުޅުންތެރިޔާއަށް އެވޯޑު ލިބޭނެއެވެ.