ވޯލްޑްކަޕް 2026 ގެ ތިން ވަނަ އިންގްލޭންޑް ހޯދައިފި އެވެ.

ރޭ ފަރާންސާއި ދެކޮޅަށް ކުޅުނު މެޗު އިންގްލޭންޑުން ކާމިޔާބު ކުރީ 4-6 ން ނެވެ

Advertisement

ސެމީ ފައިނަލުގައި ދެ ޓީމުވެސް ކެޓީ ހިތްދަތި ގޮތަކަށެވެ. ސްޕެއިނުން ފްރާންސް ބަލިކުރިއިރު އާޖެންޓީނާ އަތުން އިނގިރެސިވިލާތް ބަލިވީ މެޗުގެ ފަހު ވަގުތުގައެވެ.

ކުޅެން ބޭނުން ނުވެ ތިބެ ދެ ޓީމުން ކުޅުނު ތިން ވަނަ ހޮވާ މެޗުގެ ތިންވަނަ މިނެޓުގައި އާސެނަލްގެ ޑެކްލަން ރައިސް ދުރުން ޖެހި ގޯލަކުން އިނގިރެސިވިލާތަށް ލީޑް ނަގައިދިނެވެ. އެއަށްފަހު އެޒްރީ ކޮންސާ ބޮލުން ޖެހި ގޯލަކުން ސްކޯ 2-0 އަށް ބަދަލުކޮށްލިއެވެ.

ކީލިއަން އެމްބާޕެ އާއި މައިކަލް އޮލީސް ނުރައްކާ އުފެއްދި ނަމަވެސް އިނގިރެސިވިލާތުގެ ދެވަނަ ގޯލްކީޕަރު ޑީން ހެންޑަސަން މޮޅު ކުޅުމެއް ދެއްކިއެވެ. ބުކައޯ ސާކާ ބާރު ސްޕީޑުގައި ކައުންޓާ އެޓޭކެއްގައި ތިންވަނަ ގޯލް ކާމިޔާބުކޮށް ފުރަތަމަ ހާފުގެ ސްޓޮޕޭޖް ޓައިމްގައި ހަތަރުވަނަ ގޯލްވެސް ޖެހިއެވެ. ޓޫޚެލް އެ ވަގުތު އުފަލުން އަތް މައްޗަށް ނެގިއެވެ.

ދެވަނަ ހާފަށް ޑެޝޯމް ހަތަރު ބަދަލެއް ގެނެސް ޑެމްބެލޭ ޑަޔޯ އުޕަމެކާނޯ ލޫކާ ދީނިއެ އަދި ބާކޯލާ ކުޅެން ނެރުނެވެ. އެ ބަދަލުތަކުގެ ފައިދާ ވަގުތުން ފެނިގެންދިޔައީ އެމްބާޕެ މުބާރާތުގެ ނުވަވަނަ ގޯލް ޖެހި ހިސާބުންނެވެ. އެ ގޯލާއެކު ގޯލްޑެން ބޫޓް ރޭހުގައި ލިއޮނެލް މެސީ ފަހަތަށް ޖައްސާލިއެވެ.

ބާކޯލާ ދެވަނަ ގޯލް ކާމިޔާބުކޮށް ސްކޯ 4-2 ކުރިއެވެ. އެމްބާޕެ ދެވަނަ ގޯލް ޖެހީ އޮލީސް ދިން ޕާހަކުން ކަމަށްވާއިރު އެ ގޯލާއެކު ވޯލްޑް ކަޕް ތާރީޚުގައި އެންމެ ގިނަ ގޯލް ޖެހި ކުޅުންތެރިޔާގެ ރެކޯޑު 22 ގޯލާއެކު އެމްބާޕެ ހޯދިއެވެ. މުބާރާތުގެ އެންމެ ގިނަ ގޯލް ޖެހި ކުޅުންތެރިޔާގެ ރޭހުގައިވެސް މެސީ އަށް ވުރެ ދެ ގޯލް ކު ން ރީގައި ހުރީ އެމްބާޕެއެވެ.

ހަމަހަމަ ކުރަން ފްރާންސަށް ގިނަ ފުރުޞަތުތަކެއް ލިބި ބޭކާރުވެގެންދިޔައެވެ. ޕެނެލްޓީ އޭރިއާ ތެރެއިން މާލޯ ގަސްޓޯ ޖެޑް ސްޕެންސް ވައްޓައިލުމުން އިނގިރެސިވިލާތަށް ޕެނެލްޓީއެއް ލިބުނެވެ. ސާކާ ޕެނެލްޓީ ކާމިޔާބުކޮށް ހެޓްރިކް ފުރިހަމަކުރިއެވެ. ޑެމްބެލޭ ފްރާންސްގެ ހަތަރުވަނަ ގޯލް ޖެހިއެވެ. މެޗުގެ 10 ވަނަ ގޯލް ކާމިޔާބުކުރީ ބެލިންހެމް ކުރިއަށް ޖެހި ފަރުދީ މޮޅު ހަމަލާއަކުންނެވެ. ބެލިންހެމް ވެގެންދިޔައީ ވޯލްޑް ކަޕެއްގައި ހަތް ގޯލް ޖެހި ފުރަތަމަ އިނގިރެސި ކުޅުންތެރިޔާ ކަމަށެވެ.

މިއީ 1966 ވަނަ ވޯލްޑް ކަޕް ކާމިޔާބު ކުރި ފަހުން އިންގްލޭންޑަށް ލިބުނު އެންމެ ރަނގަޅު ނަތީޖާ އެވެ.