އުރީދޫ މޯލްޑިވްސް އިން ވަށްމާފުށި އަދި ޒިޕްލައިން އެމްވީއާ ގުޅިގެން ސޯޝަލް މީޑިއާ ގިވްއަވޭ ޕްރޮމޯޝަނެއް ފަށައިފި އެވެ.

އުރީދޫން ބުނީ މިއީ އެ ކުންފުނީގެ ކަސްޓަމަރުންނާއި ސޯޝަލް މީޑިއާ ފޮލޯވަރުންނަށް ރާއްޖޭގައި ތަޖުރިބާކޮށްލެވޭނެ އެންމެ ތަފާތު އެއް ހަރަކާތުގެ ފުރުސަތު ދިނުމަށް ކުރިއަށް ގެންދާ ޕްރޮމޯޝަނެއް ކަމަށެވެ.

Advertisement

މި ގިވްއަވޭއިން ހޮވޭ ނަސީބުވެރި ފަރާތަކަށް ހުށަހަޅާފައި ވަނީ ވަށްމާފުށީގައި ހަތަރު މީހަކަށް ހުރިހާ ހަރަދެއް ހިމެނޭ ގޮތަށް މުޅި ދުވަހުގެ ބީޗް ޕިކްނިކެވެ. ޒިޕްލައިން އެމްވީއާ އެކު ޒިޕްލައިން ތަޖުރިބާކުރުމުގެ ފުރުސަތު މި ދަތުރުގައި ލިބޭނެ އެވެ.

އުރީދޫއިން މައުލޫމާތު ދޭގޮތުގައި މި ފުރުސަތު ލިބޭ ފަރާތަކަށް މާފުއްޓަށް ދިއުމާއި މާލެ އައުމުގެ އިންތިޒާމް ހަމަޖެހިފައިވާ ކަމަށެވެ.

މި ގިވްއަވޭ ލިބޭ ނަސީބުވެރިއަކަށް އިތުރު ތިން މީހަކު މި ދަތުރުގައި ބައިވެރި ކުރެވޭނެ އެވެ.

މި ގިވްއަވޭގައި ބައިވެރިވެވޭނީ އުރީދޫ މޯލްޑިވްސް ވަށްމާފުށި އަދި ޒިޕްލައިން އެމްވީގެ ސޯޝަލް މީޑިއާ ޕޭޖުތައް ފޮލޯކޮށް ގިވްއަވޭގެ ޕޯސްޓު ލައިކް ކޮށް ތިން ރައްޓެހިން ޓެގުކޮށް ޕޯސްޓު ޝެއާކޮށްގެންނެވެ.

ގިވްއަވޭގައި ބައިވެރިވެވޭނީ މި މަހުގެ 20 ވަނަ ދުވަހުގެ ނިޔަލަށެވެ.