މިނިވަން ދުވަހުގެ މުނާސަބަތުގައި ބާއްވާ ރަސްމީ ބައްދަލުކުރެއްވުން މި އަހަރުވެސް ނުބޭއްވެވުމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ނިންމަވައިފިއެވެ.

މި ބައްދަލުކުރެއްވުން ނުބޭއްވެވުމަށް ނިންމެވީ، ދައުލަތުގެ ޚަރަދުތައް ކުޑަކުރެއްވުމުގެ ގޮތުން އަޅުއްވާ ފިޔަވަޅެއްގެ ގޮތުން ކަމަށް ރައީސް އޮފީހުން މައުލޫމާތުދެ އެވެ.

Advertisement

އެ ބައްދަލު ކުރެއްވުން ނުބާއްވަން ނިންމިޔަސް މިނިވަން ދުވަހުގެ ރަސްމީ ޖަލްސާ އޮންނާނެ އެވެ. ރައީސް އޮފީހުން ބުނީ އެ ޖަލްސާ އޮންނާނީ އެ ދުވަހުގެ ހެނދުނު 9:00 ގައި ޒުވާނުންގެ މަރުކަޒުގެ މާލަމުގަ އެެވެ.

މި ޖަލްސާގައި ރައީސް ގައުމާއި މުހާތަބު ކުރައްވާނެ އެވެ.

ރައީސް މުއިއްޒު ވެރިކަމަށް ވަޑައިގެން ހަރަދު ކުޑަކުރެއްވުމުގެ ގޮތުން އަޅުއްވާ ފިޔަވަޅުތަކުގެ ތެރޭގައި މިނިވަން ދުވަހުގެ ހަރަކާތްތައް ނުބޭއްވުން ހިމެނެ އެވެ. އެގޮޮތުން 2024 ވަނަ އަހަރު މިނިވަން ދުވަހުގެ ޖަލްސާ ފިޔަވާ ހުރިހާ ހަރަކާތެއް ކެންސަލް ކުރެއްވި އެވެ.

ނަމަވެސް މިދިޔަ އަހަރު މިނިވަން ކަމަށް 60 އަހަރު ފުރުމާއި ގުޅިގެން ކުލަގަދަކޮށް މިނިވަން ދުވަސް ފާހަގަ ކުރި އެވެ.