ގަތަރުގެ ކުރީގެ އަމީރު ޝައިޚް ހަމަދު ބިން ޚަލީފާ އަލް ޘާނީ އަވަހާރަވުމާއި ގުޅިގެން ރައީސް ޑރ. މުހައްމަދު މުއިއްޒު ތައުޒިިޔާ ފޮނުއްވައިފި އެވެ.

ހަލީފާ އަލް ޡާނީ އަވަހާރަވީ މިއަދު ހެނދުނު އެވެ. އެކަމް ގަތަރުގެ އަމީރީ ދިވާނުން ވަނީ ނޫސްބަޔާނެއްގެ ޒަރީއްޔާއިން ހާމަ ކުރައްވާއިފ އެވެ.

Advertisement

ތަޢުޒިޔާގެ މެސެޖުގައި ރައީސް ޑރ. މުއިއްޒު ވިދާޅުވީ ޝައިޚް ޙަމަދު ބިން ޚަލީފާ އަލް ޘާނީގެ ދުރުވިސްނުންތެރި ޤިޔާދަތުގެ ސަބަބުން ގަތަރު ދައުލަތުގެ ތަރައްޤީއާއި ކުރިއެރުމަށް ވަރަށް ބޮޑަށް ފައިދާކޮށްފައިވާ ކަމަށެވެ. އަދި މި ހިތާމައިގައި ގަތަރުގެ މިހާރުގެ އަމީރު ހިޒް ހައިނަސް ޝައިޚް ތަމީމް ބިން ޙަމަދު އަލް ޘާނީއަށާއި ޝާހީ އާއިލާއަށާއި ގަތަރު ސަރުކާރަށާއި ގަތަރުގެ އަޚުވަންތަ ރައްޔިތުންނަށް ތައުޒިޔާ ދަންނަވާ ކަމަށެވެ.

މި މެސެޖުގައި ދުނިޔެ ދޫކުރެއްވި ޚަލީފާ އަލް ޘާނީއަށް ﷲ ސުބުޙާނަހޫ ވަތަޢާލާ ޖަންނަތުލް ފިރުދައުސްގެ އެންމެ މަތިވެރި ދަރަޖަ ދެއްވުމަށާއި ދާއިމީ ސުލްޙައާއި ރަޙްމަތް ލެއްވުމަށް ދުޢާ ދަންނަވާފައިވެއެވެ. 

ހަލީފާ އަލް ޡާނީ ހަވަހާރަވީ އުމުރުފުޅުން 74 އަހަރުގައި އެވެ.

ޝައިޚް ހަމަދަކީ 1995 އިން 2013 އަށް ގަތަރު ހިންގެވި ބޭފުޅާއެވެ. ހަކަތައިގެ ގޮތުން މުއްސަނދި މި ޤައުމުގެ ބޮޑެތި އުއްމީދުތަކުގެ މައިގަނޑު ބާނީއަކީ ވެސް އެމަނިކުފާނެވެ.

އެމަނިކުފާނުގެ ވެރިކަމުގެ ދައުރުގައި ގަތަރުން އިޤުތިޞާދީ އިޖުތިމާޢީ އަދި ސަގާފީ ތަރައްޤީ ފެނިފައިވެއެވެ. މި ތަރައްޤީގެ ސަބަބުން ބައިނަލްއަޤުވާމީ މުޖުތަމަޢުގައި ގަތަރުގެ ދަރަޖަ އިތުރަށް ވަރުގަދަވެފައިވެއެވެ.