ގަތަރުގެ ކުރީގެ އަމީރު ޝައިޚް ހަމަދު ބިން ޚަލީފާ އަލް ޘާނީ 74 އަހަރުގައި އަވަހާރަވެއްޖެ އެވެ.

އެ ގައުމުގެ އަމީރީ ދިވާނުން ނެރުނު ބަޔާނުގައި ބުނެފައިވަނީ އަމީރު އަވަހާރަވީ އާދިއްތަ ދުވަހުގެ ހެނދުނުގެ ވަގުތެއްގައި ކަމަށެވެ.

Advertisement

އެ ބަޔާނުގައި ބުނެފައިވާ ގޮތުގައި ﷲގެ ނިޔާފުޅާއި ތަޤުދީރަށް ފުރިހަމައަށް އީމާންވާ ކަމަށެވެ. މި ދަނޑިވަޅަކީ ގައުމަށް ލިބުނު ބޮޑު ގެއްލުމަކާއި ހިތާމައިގެ ވަގުތެއް ކަމަށެވެ.

މާތް ﷲ އެމަނިކުފާނަށް ރަޙްމަތް ލައްވުން އެދި ދުއާކޮށްފައިވެ އެވެ.

ޝައިޚް ހަމަދަކީ 1995 އިން 2013 އަށް ގަތަރު ހިންގެވި ބޭފުޅާއެވެ. ހަކަތައިގެ ގޮތުން މުއްސަނދި މި ޤައުމުގެ ބޮޑެތި އުއްމީދުތަކުގެ މައިގަނޑު ބާނީއަކީ ވެސް އެމަނިކުފާނެވެ.

އެމަނިކުފާނުގެ ވެރިކަމުގެ ދައުރުގައި ގަތަރުން އިޤުތިޞާދީ އިޖުތިމާޢީ އަދި ސަގާފީ ތަރައްޤީ ފެނިފައިވެއެވެ. މި ތަރައްޤީގެ ސަބަބުން ބައިނަލްއަޤުވާމީ މުޖުތަމަޢުގައި ގަތަރުގެ ދަރަޖަ އިތުރަށް ވަރުގަދަވެފައިވެއެވެ.