ވިލިމާލޭގައި މިއަދު ގްރޫޕް މާރާމާރީ ހިންގައިފި އެވެ.

ފުލުހުންގެ މީޑިއާ އޮފިޝަލް ވިދާޅުވީ މާރާމާރީ ހިންގީ ވިލިމާލޭ ކަނދޮޅު ގޯޅީގައި ދެ ގްރޫޕަކުން ކަމަށެވެ. މައްސަލައިގެ ރިޕޯޓު ފުލުހުންނަށް ކުރީ މެންދުރު ފަހު 3:12 ހާއިރު އެވެ.

Advertisement

މި މާރާމާރީގައި ހަތަރު މީހަކަށް އަނިޔާވެގެން ހޮސްޕިޓަލްގައި ދަނީ ފަރުވާ ދެމުންނެވެ. އެއީ 18 އަހަރު، 27 އަހަރު، 31 އަހަރު އަދި 22 އަހަރުގެ ދިވެހި ހަތަރު ފިރިހެނުންނެވެ.

މި މައްސަލަ ފުލުހުން ގެންދަނީ ތަހުގީގު ކުރަމުންނެވެ.

މީގެ އަހަރުތަކެއް ކުރިން ވިލިމާލޭގައި ސިލްސިލާކޮށް މާރާމާރީ ހިންގާފައި އެވެ. އަދި ބައެއް މީހުންނަށް ހަމަލާދީ މަރާލާފައިވެ އެވެ.

މި ފަހުން ވިލިމާލޭގައި މާރާމާރީ ހިންގި ކަމުގެ ރިޕޯޓު ނުކުރާކަން ފާހަގަވެ އެވެ.