ލޯންޗަކާއި ދޯންޏެއް ޖެހި މާލެ ސަރަހައްދުގެ ކަނޑުމަތީގައި އެކްސިޑެންޓެއް ހިނގައިފި އެވެ.

މި އެކްސިޑެންޓު ހިނގައިގެން އުޅޭކަން ފުލުހުންނަށް ރިޕޯޓު ކުރީ މިރޭ 9:10 ހާއިރު އެވެ. އޭރު ލޯނޗު އޮތީ މާލޭ އެއް ނަމްބަރު ޖެޓީ ސަރަހައްދުން ފަޅު ތެރޭގައި އެވެ.

Advertisement

މި ހާދިސާގައި ފަސް މީހަކަށް އަނިޔާވެގެން ހޮސްޕިޓަލްގައި ދަނީ ފަރުވާ ދެމުންނެވެ. އެއީ ހަތަރު ބިދޭސީޯ ފިރިހެނުންނާއި ދިވެހި ފިރިހެނެކެވެ.

އެމީހުންނަށް ލިބުނު އަނިޔާގެ ތަފްސީލު އަދި ސާފުވެފައެއް ނުވެއެވެ.

މި އެކްސިޑެންޓުގައި ލޯންޗަށް ވަނީ ބޮޑެތި ގެއްލުންތަކެއް ލިބިފައި އެވެ.

އެކްސިޑެންޓުވި ލޯންޗު މާލެއަށް އައި ނަމަވެސް ހާދިސާ ހިނގުމުންވެސް ދޯނި މަޑު ނުކޮށް ދިޔައީ ކަމަށް ވެއެވެ. އެކަމާ ގުޅޭގޮތުން ފުލުހުން އަދި އެއްޗެއް ހާމައެއް ނުކުރެ އެވެ.