މިއަދު މާލޭގައި އެއް ގަޑީއެއްގައި އިތުރު ދެ އަލިފާނުގެ ހާދިސާ ހިނގައިފި އެވެ.

ފުރަތަމަ އަލިފާނުގެ ހާދިސާ ހިނގައިގެން އެމްއެންޑީއެފަށް ރިޕޯޓު ކުރީ މ. މުނިޔާ މަގުގައި ހުރި ގެއަކުންނެވެ.  ދެ ބުރިއަށް ހަދާފައިވާ އެ ގޭގެ ފުރަތަމަ ފަންގިފިލާފައި އަލިފާން ރޯވެ ހުރިހާ ދޮރުތަކަކުން ބޯ ދުން ނުކުމެ މުޅި ސަރަހައްދަށް ފެތުރުނެވެ.

Advertisement

ނެޝަނަލް ޑީޒާސްޓާ މެނޭޖްމެންޓު އޮތޯރިޓީ (އެންޑީއެމްއޭ) އިން ބުނީ އެ ހާދިސާ ހިނގި ވަގުތު އިތުރު ދެ ގެއެއްގައި އަލިފާން ރޯވެގެން އެމްއެންޑީއެފަށް ރިޕޯޓު ކުރި ކަމަށެވެ. އެއީ ގ. މިތުރު ކިޔާ ގެޔަކާއި ހެންވޭރު ކަލާފާނު ސްކޫލް ކައިރީގައި ހުރި ގެއެއްގައި އެވެ.

އެންޑީއެމްއޭއިން ބުނީ މިތުރު ގޭގައި ރޯވި އަލިފާންގަނޑު ކޮންޓްރޯލް ކުރެވުނު އިރު އެއް ކޮޓަރިވަނީ ބޭނުން ނުކުރެވޭ ވަރަށް އަނދާފައި ކަމަށެވެ. އެ އިދާރާއިން އާންމުކުރި ފޮޓޯތަކުން ފެންނަ ގޮތުގައި ކޮޓަރީގައި ހުރި އޭސީ އިންޑޯގެ ބައިތައް ވިރިގެން ފައިބާފައިވާތަން ފެނެ އެވެ.

އެ ގޭގައި ހަތަރު މީހުން ދިރިއުޅުނެވެ.

ކަލާފާނު ސްކޫލް ކައިރީ ހުރި ގޭގައި ރޯވި އަލިފާނާއި ގުޅޭ މައުލޫމާތު އަދި ހާމައެއް ނުކުރެ އެވެ.

މުނިޔާ މަގުގައި ހުރި ގެއަކީ ފޮތި ރައްކާކުރާ ތަނެކެވެ. އެތަނުގައި ދިރިއުޅެނީ ބިދޭސީންނެވެ. އެމީހުން ވަނީ އަލިފާން ރޯވުމާއި އެކު ރައްކާތެރި ކަމާއި އެކު އެތަނުން ނުކުމެފައި އެވެ.

މި ހާދިސާތައް ހިނގަން މެދުވެރިވި ސަބަބު ދަނީ ބަލަމުންނެވެ.