އައްޑޫ ސިޓީ އާއި 900 ކިލޯމީޓަރަށްވުރެ ދުރަށް ބިން ހެލުމެއް އަތުވެއްޖެ އެވެ.

މޫސުމާއި ބެހޭ ގައުމީ އިދާރާ (މެޓް) އިން ބުނީ ބިން ހެލުން އައިސްފައިވަނީ އައްޑޫ ސިޓީ އާއި 933 ކިލޯ މީޓަރު ދުރުގައި އޮންނަ ސަރަހައްދަކަށް ކަމަށެވެ. އެއީ ފޯޅަވަހި ސަރަޙައްދެވެ.

Advertisement

މެޓުން ބުނީ އެ ސަރަހައްދަށް އައީ 5.4 މެގްނިޓިއުޑްގެ ބިންހެލުމެއް ކަމަށެވެ. މި ބިން ހެލުމާއި ގުޅިގެން ރާއްޖެއަށް ސީދާ ނުރައްކަލެއް ނެތް ކަމަށް މެޓުން ބުނެފައިވެ އެވެ.

އެ އިދާރާއިން ވިދާޅުވީ ރާއްޖެއަށް އަސަރުކުރާ ފަދަ ކަމެއް ދިމާވެއްޖެ ނަމަ އެ މަޢުލޫމާތު ލަސްނުކޮށް ޢާންމުންނާ ހިއްސާކުރާނެ ކަމަށެވެ.

ރާއްޖެ ހިމެނޭ ސަރަހައްދަށް ބިން ހެލުމެއް އައިސްފައި މިވަނީ މި ސަރަހައްދަށް ބިން ހެލުމެއް އަންނަން އުޅޭކަމަށް ބުނެ ސޯޝަލް މީޑިއާގައި ޕޯސްޓުތަކެއް ދައުރުވަމުންދަނިކޮށެވެ. މި ޕޯސްޓުތަކާއި ގުޅިގެން މެޓުން ވަނީ ބިންހެލުން އަންނަކަން ދުރާލާ އެނގޭނެ އެއްވެސް ސައިންޓިފިކް ހޯދުމެއް މިހާތަނަށް ހޯދިފައި ނުވާ ކަމަށެވެ.