ޙައްޤު ބަސް ފެތުރުމަށާއި ތިމާ އާއި އަނެކުންނަށް ފައިދާވާނެ ފަދަ ރަނގަޅު ވާހަކަތަކާއި ފިކުރުތައް ފެތުރުމަށް ރައީސް ޑރ. މުހައްމަދު މުއިއްޒު ވިދާޅުވެއްޖެ އެވެ.

ރައީސް މިހެން ވިދާޅުވީ ދިވެހިރާއްޖޭގެ 34 ވަނަ ލިޔުންތެރިންގެ ދުވަހުގެ މުނާސަބަތުގައި އެކްސްގައި ކުރެއްވި ޕޯސްޓެއްގައެވެ.

Advertisement

ރައީސް ވިދާޅުވީ އިސްލާމްދީނަކީ އުނގަންނައިދިނުމާއި ތެދު މަޢުލޫމާތު ފެތުރުމާއި ލިޔުންތެރިކަން ކުރިއެރުވުމަށް ބާރުއަޅާ ދީނެއްކަމަށެވެ. ދިވެހި ލިޔުންތެރިން ވާން ޖެހޭނީ ޤައުމު އެބަޔަކާ މެދު ފަޚުރުވެރިވާނެ އަދި މި ޤައުމަށް ފާގަތިކަން ލިބޭނެ ގޮތަށް ލިޔާ އަމާނާތްތެރި ބަޔަކަށް ކަމުގައި އެމަނިކުފާނު ވިދާޅުވިއެވެ.

އެހާރާއި މިހާރުގެ ދިވެހި ލިޔުންތެރިންގެ މަސައްކަތްތަކުގައި ބަރަކާތްލެއްވުން އެދިވަޑައިގެން އެމަނިކުފާނު ދުޢާކުރައްވާފައިވެއެވެ.

މި ދުވަހުގެ މުނާސަބަތުގައި ރައީސުލްޖުމްހޫރިއްޔާގެ އަނބިކަނބަލުން ސާޖިދާ މުޙައްމަދު ވެސް ވަނީ ދިވެހި އަދަބިއްޔާތާއި ލިޔުންތެރިކަން ކުރިއެރުވުމަށް މަސައްކަތްކޮށްދެއްވާ ހުރިހާ ފަރާތްތަކަށް ތަހުނިޔާ ވިދާޅުވެ އެކްސްގައި މެސެޖެއް ހިއްސާކުރައްވާފައެވެ.

މި އަހަރުގެ ލިޔުންތެރިންގެ ދުވަހަށް ކަނޑައަޅުއްވާފައިވާ ޝިޢާރަކީ "އަމާނާތްތެރި ލިޔުންތެރިއަކަށް ވަމާ!" މި ޝިޢާރެވެ.