ދިރާގުގެ 'އެންރޯލް އެންޑް ވިން 2 ސްޕީޑްބޯޓްސް' ޕްރޮމޯޝަންގެ ދަށުން ދެވަނަ ސްޕީޑްބޯޓުގެ ނަސީބުވެރިޔާ ހޮވުން އަންނަ ހުކުރު ދުވަހު އޮންނާނެ ކަމަށް އެ ކުންފުނިން ބުނެފި އެވެ.

މި ހަރަކާތް އޮންނާނީ ހުކުރު ދުވަހު ހަވީރު 4:00 ގައި އާޓިފިޝަލް ބީޗުގައި އެވެ.

Advertisement

ދިރާގުން ބުނީ ގިނަ ބަޔަކު އިންތިޒާރުކުރަމުން އަންނަ އެ ހަރަކާތް ކުރިއަށް ގެންދާނީ މިއުޒިކާއި މުނިފޫހިފިލުވުމުގެ ހަރަކާތްތަކާ އެކު އާއިލާ އާއި ރައްޓެހިންނަށް ބައިވެރިވެވޭނެ ގޮތަށް ކަމަށެވެ.

ދެވަނަ ނަސީބުވެރިޔާއަށް ލިބޭނީ 250 ހޯސްޕަވަރުގެ ޔަމަހާ އައުޓްބޯޑް އިންޖީނު އެޅި އަލް ޝާލީ މެރިން ކެނެރީ 28 މޮޑެލްގެ ސްޕޯޓްސް ސްޕީޑްބޯޓެކެވެ. އެއީ މަހަށް ދިއުމާއި އެކްސްކާޝަންތަކާއި ކުރު ދަތުރުތަކަށް އެކަށޭނެ އުޅަނދެއް ކަމަށް ދިރާގުން ބުނެފައިވެއެވެ.

މި ލަކީޑްރޯގައި ބައިވެރިވެވޭނީ މި އަހަރުގެ މާރިޗު 31 ގެ ކުރިން ޕްރޮމޯޝަނަށް އެންރޯލްކޮށް ޖޫން މަހުގެ ނިޔަލަށް ޝަރުތު ހަމަވާ ކަސްޓަމަރުންނަށެވެ. އޭގެ ތެރޭގައި 450 ރުފިޔާ އިން މަތީގެ ރީލޯޑު ކުރި ޕްރީޕެއިޑް ކަސްޓަމަރުންނާއި 450 ރުފިޔާ އިން މަތީގެ ޕޯސްޓްޕެއިޑް ޕްލޭންތަކުގެ ކަސްޓަމަރުންނާއި ދިރާގު ލިމިޓެއް ނެތް ފައިބާ 40އެމް އިން މަތީގެ ޕްލޭންތަކުގެ ކަސްޓަމަރުން ހިމެނެއެވެ.

އަދި ދިރާގުޕޭ އަށް ރަޖިސްޓަރީކޮށްގެން ތިބި ކަސްޓަމަރުންނާއި އަލަށް ރަޖިސްޓަރީ ކުރި ކަސްޓަމަރުންނަށް ވެސް ލަކީޑްރޯގައި ބައިވެރިވުމުގެ ފުރުޞަތު އިތުރުކުރެވޭ ގޮތް ހަމަޖައްސާފައިވާ ކަމަށް އެ ކުންފުނިން ބުނެފައިވެއެވެ.

މި ޕްރޮމޯޝަންގެ ފުރަތަމަ ސްޕީޑްބޯޓުގެ ނަސީބުވެރިޔާ ހޮވީ މިދިޔަ ޖެނުއަރީ މަހުގައެވެ. އެ ސްޕީޑްބޯޓުގެ ނަސީބުވެރިއަކަށް ހޮވުނީ ޢަބްދުﷲ ސަޢީދު ކިޔާ މީހެކެވެ.