ޗެމްޕިއަން އައިމަން - ފޮޓޯ: އުރީދޫ މޯލްޑިވްސް
އޫރިދޫ ނޭޝަން އިން އިންތިޒާމުކޮށްގެން ބޭއްވި އެލީޓް
ޝޯޑައުން 2025 - އީ.އޭ.އެފް.ސީ ސީރީޒް ވަނީ ކާމިޔާބުކަމާއެކު ނިންމާލާފައެވެ.
މަޤްބޫލު ފުޓްބޯޅަ ވީޑިއޯ ގޭމެއް ކަމަށްވާ އީ.އޭ.އެފް.ސީ
ގެ މި މުބާރާތް ބޭއްވުނީ ހުޅުމާލޭގައި ހުންނަ އޫރީދޫ މޯލްޑިވްސްގެ ހެޑްކުއާޓާރސްގައެވެ.
ސިންގަލް އެލިމިނޭޝަން ފޯމެޓެއްގައި ކުރިއަށް ގެންދެވުނު
މި މުބާރާތުގައި ޖުމްލަ 24 ކުޅުންތެރިން ބައިވެރިވެ ވާދަކުރިއެވެ.
މުބާރާތުގެ ޗެމްޕިއަންކަން ހޯދި މުޙައްމަދު އައިމަނަށް
5،000 ރުފިޔާގެ ފައިސާގެ އިނާމު ލިބުނެވެ. ދެވަނައަށް ދިޔަ ޢަބްދުﷲ މާޙިލަށް 3،000
ރުފިޔާ އަދި ތިންވަނައަށް ދިޔަ މުޙައްމަދު ޒަމީލަށް 2،000 ރުފިޔާގެ އިނާމު ލިބިގެން
ދިޔައެވެ.
މުބާރާތް ނިންމުމުގެ ރަސްމިއްޔާތުގައި މިނިސްޓްރީ އޮފް
ޔޫތު، ސްޕޯޓްސް އެންޑް ކޮމިއުނިޓީ އެމްޕަވަރމަންޓްގެ އިސްވެރިން އަދި ރޭސިން އެސޯސިއޭޝަން
އޮފް މޯލްޑިވްސްގެ އިސް ވެރިން ބައިވެރިވެ ވަޑައިގެންނެވިއެވެ.
އިވެންޓް ނިންމާލުމުގެ ގޮތުން، މުބާރާތުން ވަނަތައް
ހޯދި ދެ ކުޅުންތެރިން ކަމުގައިވާ ޒަމީލާއި އައިމަން ވަނީ އެފްސީ26 ގައި ޑެމޯ މެޗެއް
ކުޅެ، ވާދަވެރި ފުޓްބޯޅަ ގޭމިންގގެ ދެން ކުޅޭ ގޭމް، އީއޭއެފްސީ 26ގެ ފުރަތަމަ ތަޖުރިބާ
ދައްކާލާފައެވެ. މިއީ ރާއްޖޭގެ އީސްޕޯޓްސް ދާއިރާއަށް ލިބިގެންދިޔަ ވަރަށް މުހިންމު
ކުރިއެރުމެއް ކަމުގައި ފާހަގަކުރެވެއެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް