ތަމްރީނު ނިންމުމަށް ބޭއްވި ރަސްމިއްޔާތުގެ ތެރެއިން -
ދިވެހި ސިފައިންނާއި އިންޑިއާ ސިފައިން ގުޅިގެން
އިންޑިއާގެ ޓްރިވެންޑްރަމްގައި ކުރިއަށްގެންދިޔަ ތަމްރީނު "އެކްސަސައިޒް
އެކުވެރިން" ނިންމާލައިފިއެވެ.
ކޮންމެ ދެ އަހަރަކުން އެއް އަހަރު، އިންޑިއާ އަދި ދިވެހިރާއްޖޭގެ
ތެރެއިން ފަހަރަކު ގައުމެއްގައި ބާއްވަމުން ގެންދާ "އެކްސަސައިޒް އެކުވެރިން"
ގެ މި އަހަރުގެ ތަމްރީނުތައް ކުރިއަށް ގެންގޮސްފައިވަނީ މި ހިނގާ ޑިސެމްބަރު
މަހުގެ ދެވަނަ ދުވަހުން ފެށިގެން އިއްޔެގެ ނިޔަލަށް 14 ދުވަހުގެ މުއްދަތަށެވެ.
މި ތަމްރީނުގައި އެމްއެންޑީއެފް މެރިން ކޯރގެ 45 މެރީންސް
ބައިވެރިވިކަމަށް އެމްއެންޑީއެފްއިން ބުނެއެވެ.
އެ ތަމްރީނުގައި އެމްއެންޑީއެފް ކޮންޓިންޖެންޓްގެ ކޮމާންޑަރަކީ،
އެމްއެންޑީއެފް މެރިން ކޯރ ހެޑްކުއޯޓަރޒްގެ އޮޕަރޭޝަންސް އަދި ޓްރެއިނިންގ އެންޑް އެޑިޔުކޭޝަން
ޑައިރެކްޓަރ، މޭޖަރ ޢަބްދުލް ހަސީބް އިބްރާހީމެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް