N/A
ދިވެހިރާއްޖޭގައި ހިނގި އަލިފާނުގެ ހާދިސާގައި މަރުވި ބަންގްލަދޭޝް މަސައްކަތްތެރިއެއްގެ ހަށިގަނޑު އެ ޤައުމަށް ގެންގޮސް އާއިލާއާ ހަވާލުކޮށްފައިވާ ކަމަށް ބަންގްލަދޭޝް ހައި ކޮމިޝަނުން ބުނެފިއެވެ.
ހައި ކޮމިޝަނުން ބުނީ، އަލިފާނުގެ ހާދިސާގައި މަރުވި ފަސް ބަންގްލަދޭޝް ރައްޔިތުންގެ ތެރެއިން ސަދަރު އަލީގެ ހަށިގަނޑު، ހައި ކޮމިޝަނުގެ އެހީތެރިކަމާ އެކު ޑާކާއަށް ގެންގޮސް، ރަސްމީކޮށް އާއިލާއާ ހަވާލުކޮށްފައިވާ ކަމަށެވެ. ހަށިގަނޑާ ހަވާލުވުމަށް އެއާޕޯޓަށް އާއިލާގެ މެމްބަރުންގެ އިތުރުން ބަންގްލަދޭޝްގެ ޚާރިޖީ ވުޒާރާ އާއި އެކްސްޕެޓްރިއޭޓްސް ވެލްފެއާ ވުޒާރާގެ އޮފިޝަލުން ހާޒިރުވެފައިވެއެވެ.
މާލެއާ ގާތްގަނޑަކަށް 100 ކިލޯމީޓަރު ދުރުގައި އޮންނަ ދިގުރަށުގެ ގެސްޓް ހައުސެއްގައި ބުރާސްފަތި ދުވަހުގެ ރޭ ހިނގި އަލިފާނުގެ ހާދިސާގައި ފަސް ބަންގްލަދޭޝް މަސައްކަތްތެރިން ވަނީ މަރުވެފައެވެ. އެ ހާދިސާގައި އިތުރު ދެ ބަންގްލަދޭޝް މީހަކަށް ސީރިއަސް އަނިޔާތައް ލިބިފައިވެއެވެ. ކަމާ ބެހޭ ފަރާތްތަކުން ބުނެފައިވާ ގޮތުގައި، ގެސްޓް ހައުސް ތެރެއިން ބޮޑެތި ފިހުންތަކާ އެކު ހަތް މީހުން ސަލާމަތްކޮށްފައިވާ އިރު، އޭގެ ތެރެއިން ފަސް މީހުން މަރުވީ ފަރުވާ ދެމުން ދަނިކޮށެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް