N/A
އައްޑޫ ސިޓީ މަރަދޫގައި މަސްތުވާތަކެތި ބޭނުންކުރުމުގެ ޚިދުމަތް ދެމުން ދިޔަ ކަމުގެ ތުހުމަތުގައި، ސ. މަރަދޫ ބޯޅަދަނޑުގެ ބަންދުކުރަން މަރަދޫ މެޖިސްޓްރޭޓް ކޯޓުން އަމުރު ނެރެފިއެވެ.
މަސްތުވާތަކެއްޗާ ބެހޭ ޤާނޫނުގެ ދަށުން ނެރުނު މި އަމުރު ހިނގާނީ 12 ޖުލައި 2026 އިން ފެށިގެން 90 ދުވަހަށެވެ. ފުލުހުން ބުނީ މިއީ މި ބާވަތުގެ އަމުރެއް މަރަދޫ މެޖިސްޓްރޭޓް ކޯޓުން ނެރުނު ފުރަތަމަ ފަހަރު ކަމަށެވެ.
މި އަމުރުގެ މުއްދަތުގައި ހުއްދަ ނެތި އެ ތަނަށް ވަދެ ނުކުމެ ހެދުމަކީ ޤާނޫނީ ކުށެކެވެ. ހުއްދަ ނެތި ވަންނަ ފަރާތްތަކާއި އެ ތަނަށް ގެއްލުން ދޭ ފަރާތްތަކާ މެދު ޤާނޫނީ ފިޔަވަޅު އެޅޭނެ ކަމަށް ފުލުހުން ބުނެފައިވެއެވެ.
ފުލުހުން ބުނީ އައްޑޫ ސިޓީގައި މަސްތުވާތަކެތި ވިއްކައި ވިޔަފާރިކުރާ ފަރާތްތައް ހުއްޓުވުމުގެ މަސައްކަތް ހުއްޓުމެއް ނެތި ކުރަމުންދާ ކަމަށާއި، މަސްތުވާތަކެތީގެ ޚިދުމަތް ދެމުންދާ އިތުރު ތަންތަން ހޯދައި ބަންދުކުރުމުގެ މަސައްކަތް ވެސް ކުރިއަށްދާ ކަމަށެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް