ފީނަން ދިޔަ މީހަކު މަރުވެއްޖެ

ވިލިމާލެ ފަޅުތެރެއަށް ފީނަން ގޮސް އުޅުނު މީހަކު ގެއްލިގެން ހޯދައި، މޫދު އަޑިން ފެނުނުއިރު އެ މީހާ އޮތީ މަރުވެފައި ކަމަށް ފުލުހުން ބުނެފިއެވެ.

ފުލުހުން ބުނީ އެ މީހާ ގެއްލިގެން މިއަދު ހެނދުނު 06:30 ހާއިރު ފުލުހުންނަށް ރިޕޯޓުކުރި ކަމަށެވެ. އެ ރިޕޯޓާ ގުޅިގެން ވިލިމާލެ ޕޮލިހާއި މެރިން ޕޮލިސް ގުޅިގެން ކުރި މަސައްކަތުން ހެނދުނު 06:55 ހާއިރު އެ މީހާ ފެނިފައިވަނީ މޫދު އަޑީގައި އޮއްވައެވެ.

އެ މީހާ ވިލިމާލެ ހޮސްޕިޓަލަށް ގެންގޮސް ފަރުވާ ދެމުން ދަނިކޮށް މަރުވެފައިވާކަމަށް ފުލުހުން ބުނެއެވެ. މަރުވެފައިވަނީ އުމުރުން 22 އަހަރުގެ ނޭޕާލް ފިރިހެނެކެވެ.