އޭއައި ފޮޓޯއެއް -
މަސްތުވާތަކެތީގެ ވިޔަފާރީގެ ތެރޭގައި އިސް ހަތަރު
މީހެއްގެ އެކައުންޓްގައި ފަސް އަހަރުގެ ތެރޭގައި 19 މިލިޔަނަށްވުރެ ދިވެހި ފައިސާ
ދައުރުކޮށްފައިވާ ނެޓްވޯކެއް ހައްޔަރުކޮށްފައިވާކަމަށް ފުލުހުން ބުނެފިއެވެ.
ފުލުހުން މިހެން ބުނެފައިވަނީ މިއަދު މީޑިއާތަކަށް
ހިއްސާކުރި މެސެޖެއްގައެވެ.
އެ މެސެޖުގައި ފުލުހުން ބުނެފައިވަނީ މަސްތުވާތަކެއްޗާއި
ދެކޮޅަށް ކުރެވޭ މަސައްކަތުގެ ތެރެއިން އޮޕަރޭޝަން އަލިމަގު ގައި 2025 ޑިސެމްބަރ ތިން
ވަނަ ދުވަހުގެރޭ އައްޑޫ ސިޓީގައި އެންމެ ފުޅާދާއިރާއެއްގައި މަސްތުވާތަކެތީގެ ވިޔަފާރި
ކުރަމުން އައިސްފައިވާ ނެޓްވޯރކެއްގެ އިސްފަރާތްތައް ފުލުހުންވަނީ ހައްޔަރުކޮށްފައިކަމަށާއި
އެ ނެޓްވޯރކްގެ އިސްފަރާތްތަކަށް އަމާޒުކޮށް މަސްތުވާތަކެތި ޓްރެފިކް ކުރުމާއި މަނީ
ލޯންޑަރ ކުރުމުގެ އިންވެސްޓިގޭޝަނެއް ފުލުހުން ފަށާފައިވަނީ މި އަހަރު މާރޗް މަހުން
ފެށިގެން ކަމަށެވެ.
"މި ނެޓްވޯރކްގެ ތެރެއިން 2017 އިން ފެށިގެން މަސްތުވާތަކެތީގެ
ވިޔަފާރި ކުރަމުންދާކަން ފުލުހުންނަށްވަނީ ހޯދިފައި، އަދި ފާއިތުވި ފަސް އަހަރު މި
ނެޓްވޯރކްގެ އިސް ހަތަރު މީހެއްގެ އެކައުންޓްގައި 19 މިލިއަނަށްވުރެ ގިނަ ދިވެހި ފައިސާ
ދައުރުކޮށްފައިވޭ" ފުލުހުން ބުނެފައިވެއެވެ.
ފުލުހުން އިތުރަށް ބުނެފައިވަނީ މި އޮޕަރޭޝަނަކީ މިހާރުވެސް
ކުރިއަށްދާ އޮޕަރޭޝަނަކަށްވުމާއި މައްސަލައިގެ ތަހުގީގު ކުރިއަށްދާ މިންވަރަކުން އިތުރު
މައުލޫމާތު ހިއްސާކުރަމުންދާނެކަމަށެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް