އޮޔާދިޔަ ކުޑަ ދެ ކުއްޖަކު ސަލާމަތް ކުރަން އުޅުނު ދިވެއްސަކު ނިޔާވެއްޖެ

ވ. ފުލިދޫގައި މޫދަށް އެރިއުޅެނިކޮށް އޮޔާދިޔަ ކުޑަ ދެ ކުއްޖަކު ސަލާމަތްކުރަން މަސައްކަތްކުރި ދިވެހި ފިރިހެނަކު ނިޔާވެއްޖެއެވެ.

ފުލުހުން ބުނެފައިވާގޮތުގައި ފުލިދޫގައި ކުޑަ ދެ ކުއްޖަކު މޫދަށް ވެއްޓި އޮޔާ ދިޔުމުން، އެ ކުދިން ސަލާމަތްކުރަން ވެދެ، 63 އަހަރުގެ ފިރިހެނަކަށް ހާލު ދެރަވި ކަމުގެ ރިޕޯޓް ފުލުހުންނަށް ލިބިފައިވަނީ ބުރާސްފަތި ދުވަހުގެ 15:10 ހާއިރުއެވެ.

އެމީހާ ނިޔާވީ ހާލު ދެރަވުމާ ގުޅިގެން ވަގުތުން ފުލިދޫ ހެލްތު ސެންޓަރަށް ގެންގޮސް ފަރުވާ ދެމުންދަނިކޮށް، ކަމަށް ފުލުހުން ބުނެއެވެ.