އިންޑިއާ ބަޖެޓުން ރާއްޖެއަށް މި އަހަރު ދޭ އެހީ ކުރީ އަހަރާ އަޅާބަލާއިރު ކުޑަކޮށް ދަށްކޮށްފި

އިންޑިއާއިން އެ ޤައުމުގެ ބަޖެޓުން ރާއްޖެއަށް ދޭ

އެހީ މި އަހަރު ކުޑަކޮށް ދަށްކޮށްފިއެވެ.

އެގޮތުން މި އަހަރަށް ރާއްޖެއަށް

ކަނޑައެޅި އަދަދަކީ 550 ކްރޯޑް ރުޕީސްއެވެ. މިދިޔަ އަހަރު ކަނޑައެޅީ 600 ކްރޯޑް

ރުޕީސް އެވެ. ހަމަ އެހެންމެ އޭގެ ކުރީގެ އަހަރުގައިވެސް ކަނޑައެޅީ 600 ކްރޯޑް

ރުޕީސް އެވެ.

އެހެންކަމުން މި އަހަރު

މިވަނި އަދަދުން 50 ކްރޯޑް ރުޕީސް ދަށްކޮށްފައެވެ.

ސަރަހައްދުގެ އެހެން

ޤައުމުތަކަށް ކަނޑައެޅި އަދަދުތަކަށް ބަލައިލާއިރު ބަންގްލަދޭޝް އަށް ކަނޑައެޅި

އަދަދު ވަނީ ކުރީ އަހަރާއި އަޅާ ބަލާއިރު 50 އިންސައްތަ ދަށްކޮށްފައެވެ. އެއީ 120

ކްރޯޑް ރުޕީސް އިން 60 ކްރޯޑް ރުޕީސް އަށް ދަށްކުރި ކުރުމެކެވެ.

ބޫޓާނަށަށާއި ނޭޕާލާއި

ސްރީ ލަންކާއަށް އެހީގެ އަދަދު މަތި ކުރިއެވެ. އެގޮތުން ބޫޓާނަށް މި އަހަރު 2289

ކްރޯޑް ރުޕީސް ކަނޑައަޅާފައިވެއެވެ. މިދިޔަ އަހަރު ކަނޑައެޅީ 2150 ކްރޯޑް ރުޕީސް

އެވެ.

ނޭޕާލަށް 700 ކްރޯޑް ރުޕީސް

އިން 800 ކްރޯޑް ރުޕީސް އަށް މަތިކޮށްފައިވެއެވެ. ސްރީ ލަންކާއަށް 300 ކްރޯޑް

ރުޕީސް އިން 400 ކްރޯޑް ރުޕީސް އަށް މަތިކުރިއެވެ.

އެއް ކްރޯޑް ރުޕީސް އަކީ

ދިވެހި ރުފިޔާއިން ބަލާނަމަ 1.68 މިލިޔަން ރުފިޔާއެވެ. 550 ކްރޯޑް ރުޕީސް އަކީ

ގާތްގަނޑަކަށް 925 މިލިޔަން ރުފިޔާއެވެ.