ރައީސުލްޖުމްހޫރިއްޔާ ޢަބްދުﷲ ޔާމީން ޢަބްދުލްޤައްޔޫމް ކުރީގެ ރައީސް އަދި ޕްރޮގްރެސިވް ޕާޓީ އޮފް ދަ މޯލްޑިވްސް (ޕީ.ޕީ.އެމް) ގެ މިހާރުގެ ރައީސް، އަލްއުސްތާޛު މައުމޫން ޢަބްދުލްޤައްޔޫމާ ބައްދަލުކުރައްވައިފިއެވެ.
ރައީސް އޮފީހުން ވިދާޅުވީ މި ބައްދަލުކުރެއްވުން އޮތީ، މިއަދު ހެނދުނު ރައީސުލްޖުމްހޫރިއްޔާގެ އޮފީހުގައި ކަމަށެވެ.
މިބައްދަލުކުރެއްވުމުގައި، ރައީސުލްޖުމްހޫރިއްޔާ ޢަބްދުﷲ ޔާމީން ޢަބްދުލްޤައްޔޫމް ރައީސްކަމާ ހަވާލުވެވަޑައިގެންތާ މިމަހުގެ 17 ވަނަ ދުވަހަށް އެއްއަހަރު ފުރޭތީ، އެކަމަށްޓަކައި ރައީސުލްޖުމްހޫރިއްޔާއަށާއި އެމަނިކުފާނުގެ ސަރުކާރަށް އަލްއުސްތާޛު މައުމޫން ޢަބްދުލްޤައްޔޫމް މަރުޚަބާއާއި ތަޙުނިޔާ ވިދާޅުވި ކަމަށާއި މިބައްދަލުކުރެއްވުމުގައި، ޕީ.ޕީ.އެމްގެ ބައެއް އިސްވެރިންވެސް ބައިވެރިވެވަޑައިގެންނެވި ކަމަށްވެސް ރައީސް އޮފީހުން ވިދާޅުވި އެވެ.
