އަނިޔާވެރިކަމާ ދެކޮޅަށް ފެށި މަސައްކަތް ހުއްޓާ ނުލާނެ ކަމަށް ގަލޮޅު ދެކުނު ދާއިރާގ މެމްބަރު އަހުމަދު މަހްލޫފް ވިދާޅުވެއްޖެ އެވެ.
މަހްލޫފް މިހެން ވިދާޅުވީ މިއަދު ކުރެއްވި ޓްވީޓެއްގައި އެވ. އެ ޓްވީޓްގައި މަހްލޫފު އުފަން ދުވަހު ތަހުނިޔާ ފޮނވި ފަރާތްތަކަށާއި ހެޔޮ އެދޭ ފަރާތްތަކަށް ޝުކުރު ދަންނަވާފައި ވެއެވެ.
Alhamdhulillahi. Thank you all for the prayers, birthday wishes, love & support. In Sha Allah won't give up my fight against tyranny
— Ahmed Mahloof (@AhmedMahloof) March 30, 2015
އަނިޔާވެރިކަމާ ދެކޮޅަށް މަސައްކަތް ކުރުން ހުއްޓާނުލާނެ ކަމަށް މަހްލޫފް ވިދާޅުވެފައިވާއިރު މަހްލޫފް މިހާރު ހުންނެވީ ގޭ ބަންދުގަ އެވެ.
މަހުލޫފް ހައްޔަރުކޮށްފައި ވަނީ މިމަހުގެ 25 ވަނަ ދުވަހުގެ ރޭ އެމްޑީޕީން މާލޭގައި ކުރި މުޒާހަރާގައި ފުލުހުންގެ ބެރިކޭޑުތައް ފަޅާލި ކަމުގެ ތުހުމަތުގަ އެވެ. މައުލޫމާތު ލިބިފައިވާ ގޮތުގައި އޭނާ ގޭބަންދަށް ބަދަލު ކުރީ މިއަދު މުއްދަތު ޖެހުމަށް ބޭއްވި ޝަރީއަތުގައި ކޯޓުން ހުށަހެޅި ޝަރުތުތަކަށް މަހުލޫފު އެއްބަސް ނުވުމުންނެވެ.
