އިންޓަރނޭޝަނަލް ފްރެންޑްލީ: ނޭމަރގެ 2 ގޯލާއެކު ބްރެޒިލަށް ފަސޭހަ މޮޅެއް

 ބްރެޒިލް ކުޅުނު ބައިނަލް އަގުވާމީ އެކުވެރިކަމުގެ މެޗުން ނޭމަރގެ 2 ގޯލާއެކު ބްރެޒިލް ފަސޭހަ ކަމާއެކު މޮޅުވެއްޖެއެވެ.

ތުރުކީގެ އިސްޓާންބޫލްގައި ތުރުކީއާއި ދެކޮޅަށް ބްރެޒިލް ކުޅުނު މެޗު ބްރެޒިލުން ކާމިޔާބުކުރީ 4-0 ގެ ނަތީޖާއަކުންނެވެ.

ރޭގެ މެޗުގެ 20 ވަނަ މިނެޓުގައި ނޭމަރގެ ގޯލާއެކު ބްރެޒިލުން ލީޑު ނަގާފައިވާއިރު 24 ވަނަ މިނެޓުުގައިވަނީ ލީޑު ފުޅާކޮށްފައެވެ. ދެވަނަ ގޯލައަކީ ތުރުކީގެ ކާޔާ އަތުން ބައިކޮޅަށްވަން ގޯލައެކެވެ.

މެޗުގެ 3 ވަނަ ގޯލް ފުރަތަމަ ހާފް ނިމުމުގެކުރިން 44 ވަނަ މިނެޓުގައި ވިލިއަން ކާމިޔާބުކޮށްދިންއިރު މެޗުގައި ބްރެޒިލަށް 4 ވަނަ ގޯލާއެކު ލީޑު އިތުރަށް ފުޅާކޮށްދިނީވެސް އުމުރުން 22 އަހަރުގެ ޒުވާން ފޯވަރޑް ނޭމަރއެވެ.

2014 ވަނަ އަހަރުގެ ވަރލްޑް ކަޕްގައި ލިބުނު ނާކާމިޔާބީއަށްފަހު ކޯޗު ޑުންގާގެ އިރުޝާދު ދަށުން މިހާތަނަށް ބްރެޒިލް ކުޅުނު ހުރިހާ މެޗެެއްވަނީ ކާމިޔާބުކޮށްފައެވެ.